Скрипкашы
Бұл оқиға 2007 жылы болған. Аңыз болып таралып, күллі адамзаттың жүрегін бір селт еткізген. Көңілдердің пернесін дөп басқан. Әңгіменің бір нұсқасын аударып, назарларыңызға ұсынуды жөн көрдік...
Қақаған қаңтардың суық кешінде Вашингтон метросында бір ер адам скрипка тартып отырды. Ол 45 минуттың ішінде 6 шығарма ойнап бітті. Осы уақыт ішінде оның жанынан мыңдаған адам өтіп, өз жөндерімен кетіп жатты. Солардың ішінен бір ер адам ғана скрипкашыға назар аударып, сәл кідірді де... Ол да аяғын асығыс басып, кете барды. Өз шаруасымен. Бір минут өткен соң, скрипкашыға әлдебір әйел адам еңкейіп ақша тастады. Бұл скрипкашының метродағы ең алғашқы табысы болатын.
Скрипкашыға ең көп назар аударған - үш жасар балақай еді. Анасы қанша "жүр-жүрлесе" де, үш жасар бала тоқтай қалып, скрипкашыдан көз алмады. Анасы қолынан тартқыштай берген соң, балақай артына қарай-қарай кете барды. Скрипкашыны көрген басқа балақайлар да, дәл бағанағы баланың ісін қайталап, бір орында тапжылмай тұра қалды. Дегенмен оларды да бір минут аялдатпай, ата-аналары асығыс-үсігіс қолдарынан жетектеп, жөндерімен жүре берді.
