Әнші Луина Rising Star Turkey байқауының гранд-финалына өте алмады

Кезекті кезеңде қатысушылар бірінші кастингтегі әнін орындауы тиіс болды. Осылайша Луина поп-әнші Beyonce-нің Halo әнін орындады. Қазылар алқасы өзге қатысушыға дауыс берді.

Еске салайық, орындаушы бастапқы төрт кезеңде сәтті өнер көрсетті. Қазақстандық орындаушыға көрермендер мен бүкіл зал қолдау көрсетті, олар тікелей эфирде дауыс берген болатын, сондай-ақ әділ қазылар алқасының төрт мүшесі де оған дауыстарын берді. "Мұндай үлкен шараға қатысу жауапкершілікті талап етеді және бұл мен үшін бақыт. Аздап қобалжып тұрғаным рас, дегенмен миллиондаған телекөрерменнің алдында тұрып ән айту үлкен тәжірибе", - деді Луина.

Rising Star - жаңа форматта өткізілетін интерактив шоуы. Әнші сахнаға шыққан кезде алдында қабырға тұрады, ол қазылар алқасын көре алмайды. Қатысушы 70 пайыздан жоғары дауыс жинағанда ғана қабырға көтеріледі.

Дереккөз: kaz.tengrinews