Оқи отырыңыз

— Редактор бағаны —

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Мәдениет / Музыка / "Жас қалам" - қоңыр үнді Қорабайдың әні

"Жас қалам" - қоңыр үнді Қорабайдың әні

Өткен ғасырдың 70 жылдарының жастары «Жас қалам» әнін көшеде жиналып, гитара сүйемелдеуімен айтады екен. Уақыт өте келе ән күллі республикаға таралып, кеңінен танылады.

Бұл әннің сөзін де, әуенін де әнші-сазгер, ҚР Еңбек сіңірген мәдениет қайраткері Қорабай Есенов жазған. Алайда, көпшілік ән авторының кім екенін де білмей жатты. Уақыт өте келе ән авторының Қорабай Есенов екені мәлім болғанда, көпшілік «Жас қалам» әнін «Қорабай әні» деп атап кетті. Себебі, дәл сол сәтте Қорабай Есенов қолына гитара алып, әнді өзі шырқап жүрді. Сол кезде ән авторы ел арасында «Қоңыр үнді Қорабай, Қаз дауысты Қорабай» атанды. Көпшілік «Қорабай қазақ музыкасына жаңа леп, жаңаша сарын әкелді» деп өз қошеметін білдіріп жатты. Бірде ән авторы жайында Кәкімбек Салықов: «Қорабай әншілік әлемінде зор құбылыс, қазақ сахнасында гитарасымен қоса сан тармақты жаңа әуез сырын ашқан жаңа буын, заманға сәйкес туған ерекше дара тұлға» деген еді.

«Жас қалам» әні 1965 жылы жазылған. 17 жасар Қорабай Есенов Целиноград қаласындағы Ауылшаруашылық институтының агрономия факультетінде оқып жүріп, өнерге жақын болған ол «Жас қалам» әнін дүниеге әкеледі. Жастықтың лебімен ол кезде Қорабай Есенов «әнші едім, сазгер едім» деп өзгенің беделіне таласып, ән жайында тартысқа түскен емес.

«Жас қалам» әлі күнге дейін шырқалып келеді. Бүгінде жарты ғасырды артқа тастап, алпысты алқымдаған кез келген тыңдарман бұл әнді жастық шағын сағына еске алып тыңдайды. Ал жас буын әнді сынын бұзбай, нақышына келтіріп орындайды. Қанша уақыт өтсе де «Жас қалам» әні ұмытылмай, ел ішінде әлі күнге шейін айтылуда. Ән авторынан бөлек бұл әнді Дәрібаевтар ансамблі, «Жігіттер» квартеті т.с.с орындаушылар өз репертуарларына қосқан.

Жас қалам

Қорабай Есенов

Кездессем, нұрлана қараймын, 
Асаудай тулайды жас жүрек. 
Мен сені жаныма балаймын, 
Сен үшін менде бар бір тілек. 

Сені артық көремін басқадан, 
Сүйем деп айтуға жасқанам. 
Жеткізе алар ма жүректің, 
Жан сырын, жас сырын жас қалам 

Есімде алғашқы сауық кеш, 
Ләззаттың тағдырын өзің шеш. 
Ләйліден айрылған Мәжнүндей, 
Дәл қазір менде жоқ ақыл-ес. 

Әлде бір бар шығар сүйгенің, 
Тәкаппар менсінбей жүргенің. 
Оны – зор, мені – қор санасаң, 
Мейрімсіз соққаны жүректің. 

Дайындаған: Ғазиза Ұзақ

Суреттер: azattyq.org, vk.com


20654 2
Рейтинг: +2

Дайындаған: Ғазиза Ұзақ
Қосылған күні: 19 шілде 2012, 09:24
Пікірлер
+0
19 шілде 2012, 15:31

жақсыы көрем осы әнді

+0
23 шілде 2012, 12:54

"Жігіттер" квартетінің орындауындағы нұсқасы ұнайды

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

ҚАЗІРГІ АУЫЛ
ҚАЗІРГІ АУЫЛ

Ауыл неге өзгеріп кетті?

СОҢҒЫ ЫСҚЫРЫҚ
СОҢҒЫ ЫСҚЫРЫҚ

Футбол, ЕУРО-2016

Әр қазақ менің жалғызым!
Әр қазақ менің жалғызым!

Шетелдегі қандастарымыз туралы, қазақтың қошы-қон саясатының олқылықтары жайлы

Мен де адаммын!
Мен де адаммын!

Атымды адам қойған соң, Қайтіп надан болайын?

Автор: <ҚАЗАҚ> ...

Соңғы аудармалар

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо Джон Сок 

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...