Актерлік шеберлігім асып-тасып бара жатса да, әншілікті тастамаймын - Нұрлан Еспанов
Фото:
tn.kz
Қазақстандық әнші, композитор Нұрлан Еспанов baistars.kz порталына берген сұхбатында кино саласына бет бұратынын мәлімдеді, - деп хабарлайды Tengrinews.kz тілшісі.
Порталдың мәліметінше, түрлі фильмге түсіп, образдарды сомдау, Нұрланның бала күнгі арманы екен. Ол бұған дейін отандық фильмдердің бірнешеуінде өзін актерлік қырынан танытып үлгерді. Ал қазір екі бірдей киноға түсіп жатыр.
"Енді кино жанрына қарай көбірек бет бұрып, тіпті, жақында киноға кетуім мүмкін. Бірақ қорықпаңыздар! Мен ең алдымен әншімін, актерлік шеберлігім асып-тасып бара жатса да, әншілікті тастамаймын", - дейді Нұрлан Еспанов.
Айта кетейік, туындының атауы да, сюжет желісі де - құпия. Бірақ онда Еспановтың мұғалімнің рөлін сомдайтыны белгілі болды.
М. Бисембаева