Оқи отырыңыз

Өзіңді өз бойыңнан биікпін деп ойламау да – биіктік.

Автор: Ғабит Мүсірепов

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Мәдениет / Музыка / Тоқтар Серіковтың бағын ашқан - "Көршінің қызы"

Тоқтар Серіковтың бағын ашқан - "Көршінің қызы"

Тоқтар Серіковтың бағын ашқан -

Белгілі әнші Тоқтар Серіковтың орындауындағы сөздері қарапайым «Көршінің қызы» әнін білмейтін жан жоқ шығар. Бұл сәтті шыққан әндердің бірі. Бұл өз орындаушысының бағын ашқан ән.

«Көршінің қызы» әнінің сөзін де, әуенін де белгілі журналист, айтыскер ақын Бекжан Әшірбаев жазған. Бұл әнді Бекжан Әшірбаев студент кезінде жазған екен. Ол әрдайым төс қалтасына диктафон салып жүреді екен. Себебі, әуен аяқ асты келеді. «Көршінің қызы» әнінің әуені де ақынға күтпеген кезде табан асты келген. Әуенін жазып алған соң, Бекжан Әшірбаев кәсіби музыкалық білімі бар таныс-достарына  көрсетіп, артық-кем тұстарын түзетіп алған. Ақын бір сөзінде: «Маған «Көрші қызына ғашық болғансыз ба?» деген сұрақты жиі қояды. Мен көрші қызына ғашық болмасам, оған арнап ән шығарар ма едім?!» деп еді. Қарап отырсақ, әннің шығу тарихы өмірде болған оқиғамен жанасқан.

Ән авторы - Бекжан Әшірбаев

Ән сөзі мен әуені дайын болған кезде автор оны орындайтын әншіге іздеу салады. «Көршінің қызы» әнін Қалдыбек Құрманәлі Шымкент қаласында жүргенде тыңдап, дереу авторға хабарласады. «Бұл әнді тек Тоқтар Серіковке бер. Ол әнді нақышына келтіріп орындап береді» деп айтады. Ағасының ақылына құлақ асып, автор әнді Тоқтар Серіковке ұсынады.

Көршінің қызының керемет жан екенін әнге салған Тоқтар Серіков әуелгі бастан әнді айтамын деп ойламаған. Күтпеген жерде Ұлықпан Жолдасов студиясында «Көршінің қызы» әнін тыңдап, жаздыртып кетеді. Арада біраз уақыт өткен соң, әншіге Ұлықпан Жолдасов хабарласып, жазылған әннің сәтті шыққанын қуана-қуана жеткізеді. Ән радио-телеарналардан беріліп, үздіктердің қатарында болады. Кеңінен таралып, халық әнді жақсы қабылдайды. Тіпті, ел арасында «Тоқтар көршісінің қызына ғашық екен, соған арнап арнайы ән жазыпты» деген шындыққа жанаспайтын, қауесет сөздер таралды. Алайда, әнші өсек-сөзге жол берген тыңдарманына: «Қойшының баласы мына мен ауылдан ары тігілген отауда туып өстім. Біздің ең жақын көршімізбен арамыз шамамен жиырма шақырым жерде тұрады. Сондықтан да көршілерді көріп, олардың қыздарына ғашық болатын жағдайым болмады» - деп жауап қатқан еді.

Көршінің қызы

Әні мен сөзін жазған – Бекжан Әшірбаев

Орындаушысы – Тоқтар Серіков

Ғашықтар халқы ұлылық күтті,
Орындалмасын кім білген?..
Қағаз гүлдердің ғұмыры тіпті
Ұзақтау екен шын гүлден.

Қайырмасы:

Көршінің қызы керемет еді,
Әкесі де оның жақсы адам.
Ауылдан біздің неге кетеді,
Ауа райы ма жақпаған?

Ол қызға берер антым да дайын,
Сағына білдім әр тәулік.
Алты құрлыққа атыңды айтайын,
Алфавиттегі алты әріп.

Қайырмасы:

Ештеңе етпес кідіріп келсе,
Уақыттың ұзақ көшінен.
Естелік үшін бір күліп берсе,
Ажалдың өзін кешірем.

Қайырмасы:

Суреттер: jazzyhat.kz, dastan-studio.kz

15804 6
Рейтинг: +2

Дайындаған: Ғазиза Ұзақ
Қосылған күні: 17 мамыр 2012, 12:46
Пікірлер
+0
17 мамыр 2012, 13:12

Менің бір көршім мені көрген сайын осы әнді айтушы еді, құлағымды жауып алып қашатынмын!) :mrgreen:

+0
17 мамыр 2012, 15:01

армансыз екенсіз)

+0
17 мамыр 2012, 13:14

Біздің ауланың балалары осы әнді: "Көршінің қызы керемет еді, Әкесі оның наркоман" деп айтып жүретін :lol:

+0
17 мамыр 2012, 15:00

керемет ән ше!

+0
17 мамыр 2012, 15:45

сөздері керемет қой...

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Жүректерге тазалық сыйлаған «Театр көктемі»
Жүректерге тазалық сыйлаған «Театр көктемі»

Жылдың елеулі оқиғаларының бірі, Мұхтар Әуезов атындағы Қазақ мемлекеттік...

Студент үшін ақша табудың тиімді жолы.
Студент үшін ақша табудың тиімді жолы.

Өмір - кей кезде адамнан артық тәрбиеші.

Автор: Әсел Малік
Қара Питер кім еді?
Қара Питер кім еді?

Детективтің өмірі - ізденіспен өтетіні белгілі.

Автор: Әсел Малік

Соңғы аудармалар

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман оқиға Аударма: Темірлан Бредин, Айза Берікболова Дыбыстаған:...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...

Red Velvet - Rookie [kaz_sub]
Red Velvet - Rookie [kaz_sub]

Оңтүстік кореялық "Red Velvet" қыздар тобының жаңа жұмысын қабыл алыңыздар. 2014 жылы құрылған топ сәтті жұмыс істеп келеді. Аталған әнге түсірілген бейнебаян да ашық...