Оқи отырыңыз

Адам өз нысанасын өзі таңдады ма, жебесін де өзі жасасын. 

Автор: Үнді даналығы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Мәдениет / Музыка / "Бақытты бол" - жауапсыз махаббаттан туған ән

"Бақытты бол" - жауапсыз махаббаттан туған ән

Біраз жыл бойы «Жігіттер» квартеті көпшілікке қоңыр үндерімен танылып, қазақ эстрадасының төрінен орын алды. Төрт сері орындайтын әрбір ән тыңдарман көңілінен шығып, үздік әндердің қатарынан көрінді. Соның бірі -«Бақытты бол» әні.

«Бақытты бол» - жауапсыз махаббаттан туған ән. Әуен авторы белгісіз болғандықтан, оны көше әні деп атап кеткен. Ал ән мәтініне бірнеше ақын сөз жазып үлгерген. Алайда, ұсынылған ән сөздері топ мүшелерінен көңілінен шықпайды. Содан кейін топ продюсері Ерғали Әбдірайымов квартеттің сол кездегі мүшесі Еркін Нұржановқа қолқа салып, ән мәтінін жазып беруін сұрайды.

«Жігіттер» квартетінің бұрынғы мүшесі Еркін Нұржанов бала кезінен қаламды серік етіп, өлең жазады. Продюсер тапсырмасын алған ол бірден ҚазҰУ қалашығында орналасқан саябаққа барып, серуендейді. Жан-жағындағы қол ұстасқан қыз-жігіттерді көріп, әуенді ыңылдап отырып, сөз жаза бастайды. Есіне өзінің басынан өткен жауапсыз махаббаты түсіп, өткен күндерге ойша саяхат жасайды. Әннің жаңа мәтіні топ мүшелеріне ұнаған соң, оны жаздыруға бел буады.

«Бақытты бол» әні жарыққа шыға салысымен, тыңдарман қауымның ыстық ықыласына бөленді. Көп ұзамай әнге бейнебаян түсіріледі. Аталған атпен «Жігіттер» квартеті екінші ән жинағын жарыққа шығарды.

Әннің жазылғанына бес жылдан астам уақыт өтсе де, ол әлі күнге дейін өз бояуын жоғалтқан жоқ. Себебі, бұл ән сәтсіз махаббатың құрбаны болған жанның мұң-күйін сипаттайды. «Бақытты бол» - кез келген жанның жүрегінің түбіндегі шерді тарқататын ән. «Бақытты бол» - сүйгеніне қосыла алмаған адамның ішкі сезімін тербететін тамаша туынды.  

Ән үздіктердің қатарынан көрінген бойда Еркін Нұржановтың жауапсыз махаббатының кейіпкері туындыны тыңдаған кезде көзіне жас алған екен. Ақынның басынан сәтсіз махаббат өтпесе, мұндай ән келер ме еді?! Кім білсін?!

Бақытты бол

Көше әні

Сөзін жазған: Еркін Нұржанов

Біз тұрдық жол үстінде, 
Жанымыз толы мұңға. 
Тағдырдың білмеппіз-ау, 
Жазбасын жолығуға 
Жолыңды тосып күнде, 
Тұрушы ем гүлдеріммен. 
Алыстап кете бардың, 
Зулаған күндеріңмен. 

Қайырмасы: 
Бақытты бол, берілмей қайғы мұңға, 
Бақытты бол, махаббат айдынында. 
Бақытты бол, аққулы көлімдей ме ең? 
Көз алдымнан кетпейді-ау сенің бейнең. 

Мұңдатқан таңдағы күз, 
Сарғайған солқын гүлдер. 
Бірге атқан таңдарымыз,
Қайдасың сол бір күндер? 
Тірегі тілегімнің, 
Ән бе еді көркем үнің. 
Қалауы жүрегімнің, 
Мәңгі еді ерке күнің. 

Қайырмасы: 
Бақытты бол, берілмей қайғы мұңға, 
Бақытты бол, махаббат айдынында. 
Бақытты бол, аққулы көлімдей ме ең? 
Көз алдымнан кетпейді-ау сенің бейнең. 

Суреттер: baq.kz

4928 0
Рейтинг: +0

Дайындаған: Ғазиза Ұзақ
Қосылған күні: 11 сәуір 2012, 10:50
Пікірлер
+0
11 сәуір 2012, 11:38

Еркін Нұржановтың бір дерті бар ішінде :roll:

+0
11 сәуір 2012, 11:43

Керемет ән, керемет орындаушылар, керемет автор.........басымды ием.........

+0
11 сәуір 2012, 12:06

Ән тема! Көз алдымнан кетпейді-ау сенің бейнең.

+0
11 сәуір 2012, 12:45

"Бақытты бол" біраз нәрселерді еске түсіреді

+0
11 сәуір 2012, 12:58

жігіттер кв жургенде тек Еркін Нуржанды гана кулак туріп тындайтынмын, Жулдыздар отбасындагы сухбатынын кейн конілім калды

+0
11 сәуір 2012, 13:00

казір енді іздеген жары жанында бакытты гой

+0
11 сәуір 2012, 13:08

Осы ән шыққанда басымнан осындай қайғылы махаббат өтіп жатқан еді. Бұл әнмен жаралы жүрегім байланысқан болатын.

+0
11 сәуір 2012, 13:17

Әр әннің тарихы өз тарихымызбен ұқсас жақтары болады. Өз басым мұңлы әндерді көп тыңдаймын. Сезіммен шыққан туынды сезімдердің шипасы емес пе....

+0
11 сәуір 2012, 13:23

Жауапсыз махаббаттың құрбаны болған жан іңкәр сезімдерін алға тарта отырып, сол бір жанға бақыт тілеп кетеді ғой. Екі жан бір арнада тоғыспаса да, жүрегінің түбінде сол жанға игі тілектерін айтып жатады. "Бақытты бол" осындай сезімдерде туған ән болу керек. Әуені де, мәтіні де керемет. Ең бастысы, ол ән өз әншісін, өз тыңдарманын таба білді.

+0
11 сәуір 2012, 13:32

менің бір кластасым көзді жұмып қойып, беріліп тұрып айтушед осы әнді :D онында махаббаты сондай жауапсыз болатын

+0
11 сәуір 2012, 13:32

Ия, дұрыс айтасыз. Бірақ сүйгеніне дәл осылай бақыт тілеу де "ерлік". Бұл сөзді айтпақ түгілі ойға алуға қиналатын жандар қаншама...

+0
12 сәуір 2012, 19:41

.......түсінем.....

+0
20 сәуір 2012, 18:57

Өлең де, орындаушылар да, автор да, Еркін де бәріне сөз жоқ

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Red Velvet - Rookie [kaz_sub]
Red Velvet - Rookie [kaz_sub]

Оңтүстік кореялық "Red Velvet" қыздар тобының жаңа жұмысын қабыл алыңыздар. 2014 жылы құрылған топ сәтті жұмыс істеп келеді. Аталған әнге түсірілген бейнебаян да ашық түске толы, көңілді. Бұл – топтың негізгі ұстанымы. 

EXO – For Life [kaz_sub]
EXO – For Life [kaz_sub]

Оңтүстік кореялық-қытайлық бойз-бэнд EXO "For Lifе" бейнебаянымен қайта оралды. К-поперлер жақсы білетіндей, 2016 жылдың 5 қазанында S.M. Entertainment EXO-ның ізбасары EXO-CBX тобын...

JESSICA – Wonderland [kaz_sub]
JESSICA – Wonderland [kaz_sub]

Джессика Чон – корей-американ тегінен шыққан әнші, биші, актриса, модель. АҚШ-тың Калифорния штатында туған. Ағылшын, корей тілдерін жетік меңгерген. Girls’...