Хьюстонның кинодағы соңғы рөлі

АҚШ-та Салим Акилдың режиссерлігімен "Sparkle" музыкалық драмасы үлкен экранға жол тартпақ. Уитни Хьюстон бұл фильмде басты рөлдердің бірінде ойнайды, деп хабарлайды РИА "Новости"

Кинофильм атақты актрисаның ойда жоқта 49 жасқа жетер шағында дүниеден өткен күнінен үш ай бұрын дайын болған еді. Хьюстонның өлі денесі 2012 жылдың 12 ақпанның түнінде Лос-Анджелестегі Beverly Hilton қонақүйіндегі бөлмесінен табылған. 19 ақпанда әншінің жансыз денесін өзі туған Нью-Джерси штатындағы Вестфилд зиратына жерледі.

Оның ажалы жүректегі атеросклероттық ауруынан келген. Сонымен қатар, ол кокаин мен антидепрессантты өте көп мөлшерде қолданған көрінеді.

Режиссер Акиланың жұмысы – 1976 жылы экранға шыққан фильмнің ремейк үлгісі. Кинода Гарлемеде әкесіз өскен үш апалы-сіңлілердің өмірі жөнінде айтылады. Мұнда Уитни Хьюстон күйеусіз күн кешіп жүрген жалғыз басты ананың рөлін ойнайды. Өзінің қыздарын таршылықсыз өсірген ол үш қызымен музыкалық топ құрады. Біртіндеп бұл топ танымалдылыққа ие болады. Сыншылардың айтуынша, актрисаның кинодағы рөлі өзінің жеке өмірімен де ұқсас.

Бұл музыкалық драмада Уитнимен енді ғана эстрадада көрініп келе жатқан жұлдыз және басты рөлдердің бірінің иегері Джордин Спаркс дуэт болады. Әнші мен композитордың дебюттік рөлі халықтық музыкалық бағдарлама American Idol-дың атағын аспандатпақ.

Кинофильмнің шығын қаражаты 17 милллион долларды құраған.

Хьюстон 400-ге тарта музыкалық премиялар мен мадақтамалардың иегері  болған. Онымен қоса, ол алты рет Grammy сыйлығына,  екі рет Emmy сыйлығына, 21 рет American Music Awards сыйлығына лайықты деп танылған атағы жер жарған актриса еді...

Дайындаған: Ақерке Әбілхан

Суреттер: immigrant-press.ru, vizhevske.ru, rostov.kp.ru