«Рэкетир-2» фильмi 28 мамырдан бастап көрсетіледі

Режиссер Ақан Сатаев соңғы он жылдағы қазақстандық фильмдердiң арасында үздiк атанған «Рэкетир» фильмiнiң екiншi бөлiгiн түсiрiп бiттi, – деп жазады inform.kz. Ол елдегi кинотеатрларда 28 мамырдан бастап көрсетіледі. Бұл туралы фильмге түскен актрисалардың бiрi Аружан Жазылбекова өзiнiң Instagram-дағы парақшасында хабарлады.

«Танымал драманың жалғасы 28 мамырдан бастап барлық кинотеатрларда көрсетіледі», – деп жазады актриса.

Киноның түсiрiлiмі Алматы, Астана және Қарағанды қалаларында өттi. Басты кейiпкерлердiң рөлдерiн Саят Исембаев, Әсел Сағатова, Жан Байжанбаев, Фархад Әбдірайымов, Дастен Шәкіров, Аян Өтепберген, Аружан Жазылбекова мен Максим Акбаров сомдады.

Еске сала кетейiк, «Рэкетирдiң» алғашқы бөлімі 2007 жылы жарыққа шықты. Фильм тоқсаныншы жылдары бандыларға қосылып кеткен жас боксшы Саян Беккәрiмов туралы.

сурет: partner.kz