Оқи отырыңыз

Көркем сөз – көңіл тілі,
Жалаң сөз – зейін тілі.

Автор: Ахмет Байтұрсынұлы

— Редактор бағаны —

Массагет жастарды жұмысқа шақырады
Массагет жастарды жұмысқа шақырады

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Мәдениет / Кино / "Алты жасар Алпамыс" фильмі

"Алты жасар Алпамыс" фильмі

Әліппесін құшақтап алып, ауыл балаларымен бірге мектепке барғысы келетін Алпамыс балақай туралы киноны көрмеген жан жоқ шығар. Бұл фильмді тамашалайтын кез келген жастағы көрермен балалық шағын еске түсіріп, әр көрген сайын фильм кейіпкерлерін жаңа қырынан танып отырады.

Фильмнің жарыққа шыққанына қырық жылға жуық  уақыт өтсе де, ол өз көрерменін жалықтырған емес. Себебі, «Алты жасар Алпамыс» («Алпамыс мектепке барады») өтіріктен аулақ, арамдық ада тұнық сезімдерге толы фильм.

Кішкентай Алпамыс пен Қалихан бір ауылдың балалары, екеуі дос. Жасы жетіге келген Қалихан жаңа оқу жылы басталғанда мектепке барады, ал алты жастағы Алпамыс қалып қояды. Досының оқитынына қатты қызыққан оның бар арманы мектепке бару. Мектеп терезесінің алдына келіп, мұғалімнің іс-әрекетін бақылап, өтіп жатқан сабақты түсінуге тырысады. Ал досы Қалиханның сабаққа аса құлшынысы болмайды. Бірақ, ол досының алғырлығын алға тартып, оның мектепке баруына көмектеседі. Екі достың тілегі қабыл болып, алты жасар Алпамыс 1-сыныпқа қабылданады.

«Алты жасар Алпамыс» фильмінің сценарийіне белгілі кинорежиссер, ҚР еңбек сіңірген қайраткері Қанымбек Қасымбековтің басынан өткен жағдайлар арқау болған. Бір естелігінде режиссер: «Бұл фильм менің біртұтас өмірім. Мен әкемнің алпысқа келген шағында дүниеге келген, ерке болып өскен баласымын. Беске толғанымда ауыл балалары «мектепте оқып жүрміз» деп бір жаққа барып келетін. Оларды қашан келеді екен деп мен зерігемін. Қас-қабағымдағы мұңды көрген әкем жалғыз болып жүргенімді көріп, маған да мектепке баруға рұқсат етеді,» - деген еді.

Бұл оқиғаны Қанымбек Қасымбеков А.Кончаловскийге айтады. Әңгімеге қызыққан ол оқиға желісімен фильм түсіру керек екендігін айтады. Сценарийді жазуды Роза Хусниддиноваға тапсырады. Қанымбек Қасымбековтың ауылында екі айға жуық уақыт қонақта болып, Роза Хусниддинова кино сценарийін жазып бітіреді. Бірақ режиссердің өзі басқа фильмнің түсіру жұмыстарымен жүрген соң, ол сценарийді тек Абдолла Қарсақбаевқа беруді өтініп сұрайды. Қызықты сценарий қолына тиген бойда, Абдолла Қарсақбаев фильм түсіру жұмыстарына кіріседі.

Абдолла Қарсақбаев

Басты кейіпкер Алпамыс рөлін бес жасар Ермек Төлепбаев сомдады. Ол ертеректе Тұраш Ыбыраевтың «Ақ автомобиль» атты қысқаметражды фильміне түскен. «Алты жасар Алпамыс» фильмінен кейін Ермек Төлепбаев бірқатар фильмдерден бой көрсетті. Есейе келе, ол өз басқа мамандықты таңдаған. Бұл күнде ол жеке кәсіпкерлікпен айналысады.

Екінші басты кейіпкер Қалихан бейнесін Ұлан Сарбасов сомдады. Сотқар баланың рөліне актер табу қиынға соққан. Абдолла Қарсақбаев футбол алаңында доп қуып, өрелі мінезі бар Ұлан Сарбасовты байқап қалып, оны киноға түсуге шақырады. Бір сөзбен айтқанда, Ұлан фильмде өзін-өзі сомдады. Өкінішке орай, Ұлан Сарбасов өмірден ерте кетті. Жұлдызы жарқыраған бозбала шағында ол белгісіз себептермен қайтыс болған екен.

Фильмге Қанабек Байсейітов, Дариға Тілендиева, Мәкіл Құланбаев, Жексен Қайырлиев, Бикен Қыдыкеева сияқты актерлер түскен. 1977 жылы Рига қаласында өткен Бүкілодақтық кинофествиальде «Алты жасар Алпамыс» фильмі бас жүлдені жеңіп алды.

«Алты жасар Алпамыс» – Абдолла Қарсақбаевтың соңғы фильмдерінің бірі. Өмірінен өткенін сезген болу керек ол осы фильмді үлкен құлшыныспен, ерекше пейілмен түсірген екен. Қалай болғанда да, режиссердің бұл туындысы әлі күнге дейін көрерменнің ыстық ықыласына ие.

Суреттер: softzone.kz

9559 0
Рейтинг: +0

Дайындаған: Ғазиза Ұзақ
Қосылған күні: 13 сәуір 2012, 16:50
Пікірлер
+0
13 сәуір 2012, 17:27

сүйкімді ;)

+0
13 сәуір 2012, 17:49

Менің сүйіп көретін киномның бірі, Алпамыс сондай ұнайды

+0
13 сәуір 2012, 22:47

кайдан коруге болатынын билмейсиндер ме?интернеттен киын когим келип жургени :D

+0
14 сәуір 2012, 01:27

Аай, өзім ай :D күшті ғоооой

+0
14 сәуір 2012, 21:32

Қызық кино еді ғой... :) Жасасын, қазақ киносы!

+0
23 сәуір 2012, 21:09

ия дұрыс айтасыз ең көңілді әрі қызықты кино :D

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Жасанды тіс-имплантат
Жасанды тіс-имплантат

Оқып,көңіліңізбен бөлісе отырыңыз!

Тыйым салынған махаббат
Тыйым салынған махаббат

Кино-сериалдағы махаббат өмірде бар ма екен деген сұраққа жауап

Бақытты едім...
Бақытты едім...

Бұл жазып отырғаным дұрыс па, бұрыс па білмеймін...

Автор: Misha Serikov
МЕН КӨЗБІН
МЕН КӨЗБІН

Жансыз көзге жан бітірдім


Соңғы аудармалар

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо Джон Сок 

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...