Оқи отырыңыз

Биікке көтерілгісі келетін адам баспалдақ жасап шығады.

Автор: Жапон мақалы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / Қос жүректің арасында – космос

Қос жүректің арасында – космос

Қос жүректің арасында – космос

Ержан Жұмабекұлы – 1987 жылдың 23 мамырында Шығыс Қазақстан облысы, Аякөз қаласында дүниеге келген. 2004 жылы ШҚО Үржар ауданы, Үржар ауылындағы Абай атындағы орта мектеп-лицейін, 2008 жылы Қазақ инновациялық гуманитарлық-заң университетін тәмамдаған. ШҚО бойынша өткен «Жігіт сұлтаны» байқауының бас жүлдегері. ІХ Халықаралық «Шабыт» фестивалінің дипломанты. Қазақстан ұлттық телеарнасының тікелей эфирінде өткен «Қазақстан чемпионаты», «Аламан» айтыстарының жүлдегері. Филология ғылымының магистрі. Өлеңдері «Қазақ әдебиеті» сынды республикалық газеттерде жиі жарияланып жүр. 2012 ж. ҚР Мәдениет және ақпарат министрлігінің қолдауымен «Шексіздік шұғыласы» атты тұңғыш кітабы жарық көрді. Қазір Қазақстан Семей телеарнасының жүргізуші-редакторы.

 

Хат

Ренжіттім...

Құрып кетсін батылым!

Назаландың, батар күндей ақырын...

Қос жүректің арасында – космос,

Қос ауылдың арасы – мың шақырым.

 

Келешектің көк нұр бояп жолағын,

Ми ішінде сырқырайды мол ағын...

Махаббаттың өзін ұқпай жүрсем де,

Машақатын түсінгендей боламын.

 

Қатесін кеш, мендей ымырт кісінің,

Бақ самғауы – бір-ақ сәттік ұшырым.

Күңгірт үміт хатын жаздым өзіңе,

Қиялымнан сорғалатып құс үнін...

 

Әтіріңнен арман иісі аңқи ма?

Жақындасам, жүрек-демің шарпиды-ау!..

Сен жымисаң – көңілім қобыз тартады.

Сен мұңайсаң: тән – садақа, жан –  пида!

 

Күн көзінен естілгенде ақ сұр үн,

Біз кездейсоқ кезіккенбіз...

Жақсы ырым?..

Сені ойласам:

жүрегінен даңғыра,

соққылайтын бақсымын...

 

Лава – жыр

Іңірмен арадағы бірлік аппақ,

Ішінде отырамын түнді аптап...

Тек, анам, ауырғаны – қорқынышты,

Беймезгіл қалатынадай тірлік тоқтап...

 

Үмітке өзеуреген шақта мына,

Ұлыңның жауап берші хаттарына!..

Жан сақтау бөлімінде есің жимай,

Анашым, апта болды жатқаныңа.

 

Әрбір күн жаныңа азап берер келіп –

Өртейді өзегімді өлең болып.

Құдайдың құдіреті қолда тұрса,

Дертіңді тастар едім терең көміп...

 

Сен болсаң, еңсем қалмас аласарып,

Тілеуің – бәйге алсам да дара шауып.

Мәңгілік мейірімнің мекеніндей –

Жүрегің – қазақтың кең даласы анық!

 

Өзіңе әкем, інім бірге елеңдеп –

Таң атса, бір қалыппен түн де келмек.

Заманның дәрісі дауа болмаса,

Жазармын өзім, ана, жырмен емдеп?!

 

Болайын қанша жерден сабырлы адам,

Дем жетпей ентіккенің ауыр маған!

«Көрсетіп үлгерсем ғой», - деп келемін,

«Асуларымды әлі алынбаған?!»

 

(Өзімен-өзі қалсын қашқан уақыт...)

Батаңмен мерейімді аспандатып;

Ауырмай көз алдымда аман жүрсең;

Мен үшін соның өзі асқан бақыт!

 

Естимісің, Ана?!

Қазақ

Түнгі әуеде қалықтаған ой болып,

Бір мезетте көкбөріге айналып...

Періштенің күлкісіндей сезім боп,

Ақ арманын мың айнала безілдеп...

Жанарынан жасын атқан ібіліс,

Кейде өзін-өзі шалған кідіріс.

Құс жолының жиегінде дірдектеп,

Бейне тұнған шұғылалы бір көктем.

Бірде дана – дұшпан көрген тағдырын,

Бірде бала – дос санаған барлығын.

Және қозғалғанға қамқор үй болып,

Сай-сүйекті сырқыратқан күй болып.

...Өзін-өзі іздеп таппай жоғалған,

Жылуы мен мейірімі тоналған.

Топырағы тозған дала сыңайлы,

Айнадағы бейнесіне жылайды!

Сосын оның сомдауы ауыр күрсініс,

Қайта қуат тұндыратын құлшыныс.

Азабы мен қасіретін өрнектеп,

Үмітінің елесімен тербете...

Мақтануды шығарыпты ұялмай,

Құдаймен де түскі ас ішкен қиялдай...

Кім біледі, дұрыс шығар мұнысы,

Ақыл айтқыш дым білместер құрысын?!

Айрық

І    

Дәл бұлай сүйе алмаспын өзге ешкімді,

Азапқа жаным енді төзбес мұңды...

Жұбымыз жазылмауын жазбаған соң,

Несіне  тағдыр бізді кездестірді?..

 

Үкімі бұл тағдырдың қатал қандай?

Жол арман – тығырыққа тақалғандай.

Біледі жүрек қайтып қосылмасын,

Үмітке әлі бәрі атар таңдай!..

 

Шығысқа жетсе кезбе, қазбауыр бұлт,

Сен жаққа құс боп ұша жаздауым - құт!..

...Жылайды жүрек үнсіз кеудемдегі,

Махаббат жайлы барлық сазды ауыр ғып...

 

Келеді мен де өзіңмен бірге болғым,

Сеземін тоғыспасын мүлде жолдың.

Байланған шын ғашықтар өкінішке,

Ей, бақыт, жауап берші, кімге қондың?..

 

ІІ

Айқара ашып тастап түндігімізді,

Мың күнге балаушы едік бір күнімізді.

Білсек те оралмасын өткен көктемнің,

Ұмыттық қалай ғана бір-бірімізді?..

 

Жаулаған жүрегіңнің ақ гүлім төрін,

Баураған мұңым бірде шаттығым едің...

...Сен мені ұғынарсың, отқа ұсындым,

Қалмады суретің де, аққуым менің?!

 

Ақ жаңбыр сүйіп өткен... таңғы даладай,

Сол күндер, қайда көштің жанды жаралай?..

Тек есте естелік боп мәңгі қала ма,

Ертісті бойлап келем, жалғыз, жағалай?!.   

Дайындаған: Қайсар Қауымбек

Сурет: weheartit.com

2581 4
Рейтинг: +1

Дайындаған: Қайсар Қауымбек
Қосылған күні: 20 наурыз 2013, 17:35
Пікірлер
+0
21 наурыз 2013, 00:40

"Сен жымисаң - көңілім қобыз тартады"))) Ұнап отыр өлеңдер! "Айрықты" да блогтан оқып ұнатып ем)

+0
21 наурыз 2013, 11:51

Ұнады

+0
22 наурыз 2013, 00:51

Ей, бақыт, жауап берші, кімге қондың?..

+0
31 наурыз 2013, 13:33

керемеет!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Ауылым – алтын бесігім! (видеоблог)
Ауылым – алтын бесігім! (видеоблог)

Қызық болған,бұзық болған ауылым :)

МЕН ӨТІРІКШІМІН...
МЕН ӨТІРІКШІМІН...

Мен ылғи өтірік айтамын, маған сенгендерге күліп қарап....

Қып-қысқа блог. Оқыңыз!
Қып-қысқа блог. Оқыңыз!

"Маған сенесіңдер ме?" дейді махаббат...

Мақсат-арманға жету жолындағы алғашқы баспалдақ.
Мақсат-арманға жету жолындағы алғашқы баспалдақ.

"Мен істей аламын" демеңіз, "Мен істеймін" деңіз"!


Соңғы аудармалар

EXO – For Life [kaz_sub]
EXO – For Life [kaz_sub]

Оңтүстік кореялық-қытайлық бойз-бэнд EXO "For Lifе" бейнебаянымен қайта оралды. К-поперлер жақсы білетіндей, 2016 жылдың 5 қазанында S.M. Entertainment EXO-ның ізбасары EXO-CBX тобын таныстырды. "For Life" бейнебаянын Lvoe фансаб-тобы қазақша субтитрмен ұсынып отыр. Көрейік! 

JESSICA – Wonderland [kaz_sub]
JESSICA – Wonderland [kaz_sub]

Джессика Чон – корей-американ тегінен шыққан әнші, биші, актриса, модель. АҚШ-тың Калифорния штатында туған. Ағылшын, корей тілдерін жетік меңгерген. Girls’...

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда...