Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / "...Қолымда емес жүзігі Сүлейменнің"

"...Қолымда емес жүзігі Сүлейменнің"

Алғашқы махаббаттың мұңға толы күрсіністері мен терең иірімдері, көктеммен қайта оралған сезім мен алғашқы көрісу, түнімен жылаған жаңбыр және қалада оянған тіршілік - бәрі-бәрі Бауыржан өлеңдерінің әрін келтіріп, табиғаттың төл туындысы есепті жанды елітеді. Жас дарынның жастық пен албырттыққа, үлкен ойлар мен асқақ пафосқа берілуінде нендей сыр жатуы мүмкін? Ендеше, оқып көріңіз.

  

 

...Қолымда емес жүзігі Сүлейменнің


      Дидарың деп күн кешсем диуаналық,

  Дала кезген боп кетем дәруішің.

 Қалыңдықты іздемен Хиуа барып,

    ...Жыр жазбадым ақ сайтан ару үшін.

 

Үр сезімнен несіне үрейлендім,

Мен аңсаймын көктегі Бақшаны ұлы.

...Қолымда емес жүзігі Сүлейменнің,

Кеткен оның келмеске патшалығы.

 

Таңсәріден тамылжыр тарап тәтті ән,

Кетсінші енді кеудемнен жосыла мұң.

Кемсеңдеумен күнұзақ шарап татқан,

Алқасына Хаямның қосыламын.

 

Төбемде әні тыраулап барады ұшып,

Тырналардың көш түзеп тізбектері.

Майханада отырмын шарап ішіп,

Көңіліме білінбес күз де өткені.

 

Құжыраңнан киелі қашықтар кім?

Пәтуәсіз байламға бас сорламақ.

Қиссасына қанықтыр ғашықтардың,

Жанарымнан таусылсын жас сорғалап.

 

Дала кезген боп жүрмін дәруішің,

Дидарың деп күн кештім диуаналық.

Жыр жазамын жәннаттық ару үшін,

...Балдан тәтті жесем ғой миуаны алып.

 

Мәжнүннің мұңы

Мәжнүннің мен де бірі мұңы басым.

Адалбек Ақмәди

 

Мені есі ауған делқұлы, мәжнүн дейсің,

Ғашықтықтан жынды боп қалған ба ағаң!

...Ит табанын сүюге мәжбүрлейсің,

...Ләйләсі үшін Қайыстай арланбаған.

 

Жетпес еді – ау мүлкі  де Ескендірдің,

Жету үшін өзіңдей арманға адам.

Сұлтандарды меңіңмен сескендірдің,

Қос қаладан қымбатсың қарғам, маған.

 

Дауысыңнан естілді жаңғырып бір,

Бұлбұлдардың бақтағы байырғы әні.

Сұлулығың талайды таң қылып тұр,

Шабыттанды шығыстың шайырлары.

 

Ғашық болғым келеді мәңгілікке,

Бақыттардан баянсыз бас тартамын.

...Мәңгірікпе!

... Салынба әңгілікке,

...Троялар шықпасын тас-талқаның.

 

Күнімбісің нұр төккен көгімдегі,

Жұлдыздарсың көп сыры ашылмаған.

Неге бәрі сорғалап төгілмеді,

...Аптығымды қайтейін басылмаған.

 

Мені есі ауған делқұлы, мәжнүн дейсің,

Ғашықтықтан жынды боп қалған ба ағаң.

...Ит табанын сүюге мәжбүрлейсің,

...Ләйләсі үшін Қайыстай арланбаған.

                                                                      

 Сонет2


 Қалмай түге, тамшы бір торсығымда,

Құрысқандай келмейді қол сығымға.

Өткендерің көп өмір өкпелеткен,

Құрады екен өрмекші тор шыбынға.

 

Керемет бір көтермей бастама түк,

Қаламаймын басқа мұң, басқа бақыт.

Құмға сіңіп келмеске кетсем деймін,

Кетігіңе дүние тас қалатып.

 

Әй, дүние назарың салшы маған,

Бақсыңменен боламын балшыңа алаң.

Түрмеленген тірлікте таусылмайын,

Тозаққа да үш күнде жан шыдаған.

 

Жан емеспін жадағай жаушылаған,

Құдайымнан тіпті де бау сұрағам.

Сонет3

 

Көз алдымда көлбеңдер жиі көшің,

Алма – кезек алмасқан дүниесің.

Көп істерді келеңсіз көргенімде,

Көкірегім күмбірлеп күйінесің.

 

Айнала алмай Құдайым бас құлыңа,

Түсе бердім тірліктің тасқынына.

Арманым ғой «Алхимик» ақын болсам,

Айналдырам алтынға тасты мына.

 

Құдіреттің кердеңдеп құлы сынбай,

Жүргендерге қоймаспын бір ұшынбай.

Сал көзіңді ақаусыз әлемге бұл,

Тізбектелген тырналар бұрышындай.

 

Сонет сүйер жүрсін деп басы қатпай,

Ойларымды айтайын шашыратпай. 

сурет:art-spb.ru; nashasvadba.net 

Дайындаған: Фараби Арыстанбек

3434 8
Рейтинг: +3

Дайындаған: Ла Лига
Қосылған күні: 14 наурыз 2013, 14:24
Пікірлер
+0
14 наурыз 2013, 14:49

Алғашқы екі өлеңі керемет шығыпты. Бауыржаннан болашақта үлкен ақын шықпақшы.

+0
14 наурыз 2013, 14:49

Түрмеленген тірлікте таусылмайықшы!

+0
14 наурыз 2013, 15:38

Бауыржанның өлеңдері кітабы шыққан кей жігіттердікінен мықты екен. Жарайсың, тереңдей түседі деп сенеміз.

+0
14 наурыз 2013, 15:47

Мықты! Өз үні сезіледі! Жазар көбейсін!

+0
14 наурыз 2013, 17:02

Баукенің "Мәжнүннің мұңы" деген әнін естісеңіздер ғой. Ееенді тамаша! Әуені керемет! Сол әнмен ауырып жүрмін

+0
22 сәуір 2013, 01:57

Ақерке, ол әнді қайдан іздесем екен?

+0
15 наурыз 2013, 10:12

Сүлейменнің жүзігі туралы жазыңдаршы, көп ақындардан естимін осыны

+0
30 наурыз 2013, 01:22

Ұйқасы керемет екен шығармашылығыңыз өсе беруіне шын жүректен тілектеспін! :P

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Эссе жаза аласың ба?
Эссе жаза аласың ба?

ҰБТ-ның жаңа форматына сай эссе жазуды бірге үйренейік!

Автор: Аида Жеңіс
Шетелдік сериалдардың әсері.
Шетелдік сериалдардың әсері.

Шетелдік сериалдардың әсері.

Келін алдында бас ию ме, әлде келін алдындағы міндеттер ме?
Келін алдында бас ию ме, әлде келін алдындағы міндеттер ме?

Әрбір адамның өз міндеттері мен жауапкершілігі бар ғой, сол сияқты менің де ене...

Сұмдық апат «Шапекоэнсе»-де тірі қалғандар.
Сұмдық апат «Шапекоэнсе»-де тірі қалғандар.

Қазалы адамдар саны - 71. Апат туралы.

Автор: Olzhas Samatov
Құрбы керек...
Құрбы керек...

жақында өшіріледі.

Автор: <ҚАЗАҚ> ...

Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...