Оқи отырыңыз

Биікке көтерілгісі келетін адам баспалдақ жасап шығады.

Автор: Жапон мақалы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / Көз жасыңды шайып кетсін тамшылар...

Көз жасыңды шайып кетсін тамшылар...

Көз жасыңды шайып кетсін тамшылар...

Әлішер Әлімжан Әлішерұлы 1994 жылы ОҚО, Бәйдібек ауданы, Жиенқұм ауылында дүниеге келген.

Қазір М.Әуезов атындағы Оңтүстік Қазақстан Мемлекеттік Университетінің 2-курс студенті. Бірнеше жыр мүшәйраларының жүлдегері. Атап айтқанда, облыстық «Поэзияда-2012» сайысының бас жүлде иегері. 2009 жылы Қ.А. Яссауи бабамызды ұлықтау мақсатында республикалық көлемде Түркістан қаласында өткен жыр сайысының грант иегері, республикалық «Махамбет» мүшәйрасының 3-орын иегері.

Сен маған ешкiм де емессiң...

Құмыққан

Көңiлде көмескi үн…

Бүгiнде тоспайды менi ешкiм.

Сен маған ешкiм де емессiң,

Мен саған ешкiм де емеспiн.

Сезiмнiң түсiнбей астарын,

Бейкүнә сананы ластадың.

Сен маған сыйлаған тұмарды,

Бүгiн мен лақтырып тастадым.

Қорықтым сезiмнiң күзiнен,

Торып мұң...

Үмiттi үзiп ем.

Өзiңнен басқа бiр қандай қыз,

Жiгiттiң жүрегiн мүжiген?

Жыры бiр бiз күткен үмiттiң,

Сезiмнiң қорғанын үгiттің.

Есiме алмаймын мен енді,

Ұмыттым,

Ұмыттым,

Ұмыттым.

Көңілде құмыққан көмескі үн...

Бүгiнде тоспайды менi ешкiм.

Сен маған ешкiм де емессiң,

Мен саған ешкiм де емеспiн.

 

 ***

Көк орындық, сол саябақ сарғайған,

Ақын жүрек күзге жырын арнай дал.

 Шақырымдар, жылдар-жолдар, Алматы,

 Мына менiң сезiмiме салды ойран.

 

Сенделгем мен жалын iздеп сан жылда,

 Оң берген де сен ең сол бiр тағдырға.

 Ауған кезден тағдырыңнан жанарым,

 Жауған көзден шомылып жүр жаңбырға.

 

Сен туралы мұңайтады түн бөлек,

Сен туралы сыр айтады гүл де ерек.

 Күл өмiрмен жанып кеткен жүрегiм,

 Жүрегiнде ендi кiмнiң гүлдемек ?!

 

...Көк орындық, сол саябақ сарғайған,

Таныс кылық нәзiк сыбап маңдайдан, -

Алақаны әлдекiмнiң көзiмдi,

Жауып калды... Сен бе екенсiң ?

Әй, қайдам…


Жаңбыр жауған түн

Түйiстiрiп қара түн мен таң нұрын, 

Тағы ессiз көше кездім, қаңғыдым.

Жасын найза бұлтты аспанды тескілеп,

Жауғызғандай маған арнап жаңбырын.

 

Араласып жаңбырменен аңсап жыр,

Ағады бір жанарымнан моншақ мұң.

Келгенменен қашып бірге өзiңмен,

Көлбеңдеген бөгет бөліп, қоршап тұр.

 

Көкте мен де жарқырауға бекідім,

Көк тамыры жүрегімнің оты біл.

Күркiрiмен найзағайдың сырласып,

Күрсiнумен мұңлы өлең оқыдым.

 

Бүгін менің көңілімде Шәмші дал,

Бәлкiм үнсіз салған жаным ән шығар.

Көшеге шық жасып тұрсаң, ақылдым,

Көз жасыңды шайып кетсiн тамшылар.

 

Менiң қазір бар қалауым қалаған,

Маған ендi өкінішпен қарама.

Келістік пе?

Көк жасымен буланып,

Кеңiстiкке сiңiп мен де жоғалам.

 ***

Сиқырланып дидарыңа қалыппын,

Ұйқымды анық алдың ұрлап, көріктім.

Сүйгем әттең, санасудан жалықтым,

Түймедақпен пал ашудан зеріктім.

 

Алаңдаймын алыстатып алардай,

Түйсігімде небір ойлар іркілді.

Отырғаным сізге теңеу таба алмай...

Періштеден аумайсыз ба, біртүрлі.

 

Тосып жүрмін ерекше бір ыңғайын,

Сосын мүмкін қайта сүйем көктемді.

Бір тармаққа қойылуға тұр дайын,

Сізден жақсы хабар күтіп леп белгі!

 

 Кешір жаным тұңғиық тым мұң едім,

Жоқ та шығар маған, сірә, сай теңіз.

Сізді уақыт күте алмады, білемін,

Бізді бақыт тосып жүр ғой, қайтеміз???

М?

 

Келісім

(ассонанс)  

Ең жұпарлы – мамырдың гүлдерінен,

Ең бақытты – өмірдің күндерінен.

Ең сиқырлы – махаббат әуенінен,

Ең балауса – ертегі әлемінен.

Ең мейірлі – адамның назарынан,

Ең шуақты – көктемнің ажарынан,

Ең шынайы – махаббат базарынан.

Ең шырайлы – сезімнің ғазалынан,

Ең нұрланған – өмірдің тармағынан,

Ең кіршіксіз – ақ ұлпа қарларынан.

Ең әдемі – сұлулық көздерінен,

Ең ғажайып – сөйлемнің сөздерінен.

 

P.S. Егер өлең өрнектесем сен үшін,

Еркем, сонда беремісің келісім?!

Көшедегі кейіпкер

 Қанша пенде иыққа сап жүр мұңды,

Жаным қаяу, көңiл неге кiрбiңдi?

Өлең менiң перiштемдi жұбатты,

Әлде мені жылаңқы қып тындырды.

 

Жанарыма тығып қойдым ызаны,

Ызамды да бiр назiктiк бұзады.

Мүмкiн менiң сабырымның сынағы,

Мүмкін ызам сайтандардың тұзағы.

 

Елiктеген перiлердiң биiне,

Пенделердiң болмысына күйiнем.

Мейiрiмдi жиып алып неге осы,

Сәтсiздiкке ұшырасам жиi мен.

 

Түйсiгiмде миға сыймас аңсар көп,

Ойлап қоям жарқырап бiр жансам деп.

Өлеңдетiп ескi ауыл көшесiн,

Жүрiп келем герзi етiгiм шаң-шаң боп...


Дайындаған: Ақерке Әбілхан

Суреттер: wnemy.mypage.ru, chitalnya.rupearlinthemud.blogspot.com, 

goodfon.ru

8080 9
Рейтинг: +4

Дайындаған: Ақерке Әбілхан
Қосылған күні: 26 ақпан 2013, 11:31
Пікірлер
+0
26 ақпан 2013, 12:32

Бүгiнде тоспайды менi ешкiм.

Сен маған ешкiм де емессiң,

Мен саған ешкiм де емеспiн.

Сезiмнiң түсiнбей астарын,

+0
26 ақпан 2013, 12:55

қаламы ұштала берсін! Көп жылай бермесін деп тілейік!

+0
26 ақпан 2013, 16:17

жақсы екен!

+0
28 ақпан 2013, 00:09

Иа, жақсы жырлар. сәттілік, досым.

+0
28 ақпан 2013, 01:47

"Отырғаным сізге теңеу таба алмай, Періштеден аумайсыз ба, біртүрлі"

+0
03 наурыз 2013, 14:33

Ұнады. Алар асуың көп болсын!

+0
05 наурыз 2013, 16:37

Өлеңдетiп ескi ауыл көшесiн,

Жүрiп келем герзi етiгiм шаң-шаң боп...) керемет

+0
12 наурыз 2013, 20:18

Жарайсың бауырым,Жасай бер тағы жаза бер тағы!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

"Папаңнан" ұят болмасын...

Мен ұғынып болмаған тәрбие

Құлағыңды кесіп алайын ба?!
Құлағыңды кесіп алайын ба?!

Құлақ есту үшін бе әлде бастың пішінінің әдемілігі үшін бе?

Өмірдің өзі үлкен қоңырау секілді...
Өмірдің өзі үлкен қоңырау секілді...

Өмірдің симфониясы болған сыңғырлар.

БУВЕ НҮКТЕСІ
БУВЕ НҮКТЕСІ

"Олардың тарихы" беллетристикасынан

Автор: Мерей Қосын

Соңғы аудармалар

EXO – For Life [kaz_sub]
EXO – For Life [kaz_sub]

Оңтүстік кореялық-қытайлық бойз-бэнд EXO "For Lifе" бейнебаянымен қайта оралды. К-поперлер жақсы білетіндей, 2016 жылдың 5 қазанында S.M. Entertainment EXO-ның ізбасары EXO-CBX тобын таныстырды. "For Life" бейнебаянын Lvoe фансаб-тобы қазақша субтитрмен ұсынып отыр. Көрейік! 

JESSICA – Wonderland [kaz_sub]
JESSICA – Wonderland [kaz_sub]

Джессика Чон – корей-американ тегінен шыққан әнші, биші, актриса, модель. АҚШ-тың Калифорния штатында туған. Ағылшын, корей тілдерін жетік меңгерген. Girls’...

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда...