Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / Ұғасың ба сен мені, ақ ұлпа қар?..

Ұғасың ба сен мені, ақ ұлпа қар?..

Ұғасың ба сен мені, ақ ұлпа қар?..

Құрметті жырсүйер оқырман! "Әдебиет" бөліміндегі белгілі бір тақырыпқа байланысты өлеңдер топтамасы жалғасын таппақ. Біз сіздерге осыған дейін "Олимпиада жеңімпаздарына арналған жырлар""Күз бен күңіренеміз де жүреміз", "Алматы, сен бізді ақын еттің", "Алматыда бір өлеңім бар еді..." атты топтамаларды ұсынған болатынбыз. Бүгінгі тақырыпқа қыс мезгілі арқау болғалы тұр. Қыңырлығын көрсетсе де, бұл мезгілдің сүйкімі жоқ емес. Талай ақынның жырына арқау болған күзден қыстың несі кем? Ақ ұлпа қарға ақтарылып сырын ашар ақын жаны қыстың суығынан жылылық іздейді. Табады да... Ақ сезімдерін мезгілдің әдемі көріністерімен ұштастыра білген қалам иелерінің бүгінгі туындылары тақырыбымызға өң бермек. Ендеше, қыс мезгіліне жазылған жас ақындардың лирикалық жырларына кезек берейік!

Мезгілді сүю

Жанып біткен сыңайлы бір шырпы-күн,

Тұнжырап бір қақса әлем кірпігін.

Әлде нені күтетіндей көңілім,

Ессіздігім бермеуші еді бір тыным.

 

Сағынатын шағым мүмкін қысты ұзақ,

Шешем байқұс шықпа дейтін тысқа ұзап.

Ақ көбелек әуесім боп бір күні,

Кеңістіктен қалқып мың сан түсті зат.

 

Қар жауды деп, беу, қапалақ-қапалақ

Көресің бе, ата екеш, аталап.

Жеткенімде күбір қағып тұрды ағам:

«Жеткенің бе, о, көгілдір махаббат?!»

 

Бал мұраттың ұшырды аспан құсын көп,

Армандарды тұрғыздық біз мүсіндеп.

Кейін білдік: Сүйіпті ағам көрші қыз

Сол шақтарда келетіні үшін тек.

 

Жаны сұлу, сезімі асқақ сезгіркім,

Бақытына тәңір, оңда кез қылғын.

Ақ ұлпа қар сен ең маған ұғынтқан,

Ыстықтығын осы суық мезгілдің.

Қозыбай Құрман

Алматы оранды ақ қарға,

Ақ сезім төгілді төбемнен.

Төзе алмай ғашықтық оттарға,

Өшімді алам мен өлеңнен.

 

Ақ жібек көйлегі үлбіреп,

Қала тұр назданып тіл қатпай.

Нәп-нәзік жанымды тілгілеп,

Сіз жүрсіз шешілмес жұмбақтай.

 

Алматы құшағын түсінем,  

Көктемнің көйлегі ораса.

Сіз қашан махаббат күшімен,

Сырларды айтасыз тамаша.

 

Мезеттік бақытын бұлдаған,

Уақыт ұрлайды күлкімді.

Мәңгілік жұмбақсыз сіз маған,

Жаза алмай тулаған жыр сынды.

Сайрангүл Даханқызы

Қордай асуы.

                         Желтоқсан...

Сәті туса сапардың бақ табар ем,

Аппақ дүние,

               Аппақ қар,

                          Аппақ әлем...

Асуынан Қордайдың мені асырар,

Ақ әлемге қанатын қаққан өлең.

 

Дүбір іздеп дүлдүлім таң асқасын,

Ақ  дүниеде белгілі адаспасым...

Айыр қалпақ ағайын қарсы алады,

Асу бермес Қордайдан ары асқасын.

 

Сапар басы үкілі үміттейін,

Мақтарсыңдар жырымды ұғып кейін...

Асу бермей алдымда Қордай жатыр,

Ақ түтегі түтілген түбіттейін.

 

Көліне жыр сыйласам,

                        Көгіне нұр,

Ақ дүниенің атауы –

                                  Өмір – Өмір...

Қалпағының түсіндей көңілі бар,

Сәлем берсем деп едім еліңе бір!

 

Шығып жатқан жайым жоқ күнде асуға,

Қырғыз доспен ойым бар сырласуға.

Хантәңірдің қызы едім хан сыйлаған,

Қайран Қордай асуы,

                             мінбе ашуға!

 

Бастап кетсең болады, думан, қырғыз,

Аман-есен өткен соң Шудан бұл қыз!

Оң жағымнан айымды туғызарсың,

Айтматов Шыңғысты туған қырғыз.

 

Ырға қосса ырымдап шырқап бәрі,

Тірлігінің басылар бұрқақтары.

Ақын қызын қазақтың аяласын,

Маң мінезді Манастың ұрпақтары!

 

Теңгермейтін текті едің жұлдызды Айға,

Бұрқасындар мойныңды бұрғызбай ма?

Қордай асу!

                 Қойсаңшы ашуланбай –

Бұл қыз қайда,

                 дүние-ай,

                                қырғыз қайда?!

Ақпаным...

Ақпан ба, ақпан,

Аяулы менiң ақ айым,

Өзiңе ұқсап көңiлiңдi сенiң табайын.

Аяулы айы қыңыр мiнездi қысымның,

Адалдығыңды қалайын.

Ақпандар жайлы арада ғажап жүр аңыз,

Бiлгiңiз келсе, сырым бар, келiп сұраңыз. 

Ақпанды сүйген аяулыларың мен едiм,

Ақ бөрiк киген құба қыз. 

Өмiрден мынау мәңгiлiк ненi таппақпыз,

Айналам мынау ақ әлем тұнған әппақ қыс.

Ақ ұлпаларым аймалап тұрды менi үнсiз,

Көргенiм менiң - әппақ түс...

Ардағым болған аялы аппақ саябақ,

Ақ қарды сүйген сезiмiм де баяғы ақ.

Ақ өлең жазып аққанат құсқа жолдадым,

Армандарымды аялап...


Мақпал Мыса

Қысқы бақтағы ой

Ақтығы мен пәктігін алаулатып қыс аппақ,

Шаттығымды тәтті мұң, тәуелдене құшақтап.

Ғашықтарға тұрғанымен, жаурадым мен үш аттап,

Маужыраған мамырдың мәз күніне ұқсап бақ.

 

Сезіне алмай қызығын, шаттығын да бұл бақтың,

Көмейімде үзік үн, өзіме-өзім үн қаттым.

Пәктігіңді сақтасаң, ақтығыңды, қымбаттым,

Бәрін сыйлар, бұйырса, жатқан ағып тулап күн.

 

Кері қайттым әндетіп ақша қардың күртігін,

Келсе көктем қар кетіп, естірмін деп ынтық үн.

Мен аңсаған ақ жігіт көрсең көктем бүртігін,

Кездескейсің келтіріп сәтті көктем бір күнін.

*****

Сезіміңді бір өзіне баураған,  

Аппақ қарлар пәк көңілден аумаған.

Аппақ қарда бейқам жатқан тау-далам,

Сен дегенде жыр-өлеңім саулаған.  

Әппәқ қарды сүйемін мен өйткені,

Ақ астынан жасыл тірлік қаулаған.

Шұғыла Сәйденқызы

Дайындаған: Ақерке Әбілхан

Суреттер lord_fame.yvision.kz, liveinternet.ru сайтынан және авторлар мұрағатынан алынды

5458 8
Рейтинг: +7

Дайындаған: Ақерке Әбілхан
Қосылған күні: 17 қаңтар 2013, 13:47
Тегтер: поэзия, қыс, қар,
Пікірлер
+0
17 қаңтар 2013, 13:17

Сайрангүл Даханқызының шумақтарын ұнаттым

+0
17 қаңтар 2013, 13:19

Мен аңсаған ақ жігіт көрсең көктем бүртігін,

Кездескейсің келтіріп сәтті көктем бір күнін.

+0
17 қаңтар 2013, 13:26

Мақпал әпкенің Қордай асу қатты ұнады. Қырғыз еліне менің де бір барып келгім келеді "Шығып жатқан жайым жоқ күнде асуға,

Қырғыз доспен ойым бар сырласуға.

Хантәңірдің қызы едім хан сыйлаған,

Қайран Қордай асуы,

мінбе ашуға" тамаша!

+0
17 қаңтар 2013, 14:23

Қар жауды деп, беу, қапалақ-қапалақ

Көресің бе, ата екеш, аталап.

Жеткенімде күбір қағып тұрды ағам:

«Жеткенің бе, о, көгілдір махаббат?!»



Бал мұраттың ұшырды аспан құсын көп,

Армандарды тұрғыздық біз мүсіндеп.

Кейін білдік: Сүйіпті ағам көрші қыз

Сол шақтарда келетіні үшін тек. Ұнады маған

+0
17 қаңтар 2013, 16:02

Ақ ұлпа қар сен ең маған ұғынтқан,

Ыстықтығын осы суық мезгілдің. :!:

+0
20 қаңтар 2013, 18:32

Жақсы өлеңдер, Шерханның "Қар қызы" жайында жазғанын да салған жақсы еді..

+0
20 қаңтар 2013, 18:41

"Қар қызы" Оралхандыкі емес пе?!

+0
20 қаңтар 2013, 18:50

*****

“Алыстан – тым шалғайдан қыздың

сыңсыта салған әні келеді

құлаққа...”

Оралхан Бөкей “Қар қызынан”





Алматым ластаса да таза жанын,

Бүгін-ақ мөлдір жырды жаза аламын.

Сыр қылып суық желі естіртеді,

Бір қыздың алыстағы азалы әнін,-деп келетін өлеңін айтам, Ардақ аға

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Түс туралы не білеміз?
Түс туралы не білеміз?

Келесі кезекте, түс жайлы қызықты фактілерді келтіремін

Моана
Моана

Жаңадан шыққан Диснейлік мультфильм балалар жүрегін жаулап алды.

Автор: Medina Musa
БІР ҒҰМЫРДЫҢ БАЯНЫ (әңгіме)
БІР ҒҰМЫРДЫҢ БАЯНЫ (әңгіме)

Әншейінде күзгі аспанға ұқсап тұнжырап жүретін қарттың ерекше ықтиярлы болып...

Ақ қайың
Ақ қайың

Менің үшінші әңгімем...

Парадокс интенциясы һәм Өмірдің МӘНі ....
Парадокс интенциясы һәм Өмірдің МӘНі ....

Қызықты кітап оқығыңыз келіп жүрсе, оқып шығыңыз....

Автор: Ayazhan Muhatay

Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...