Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / "Хаттарыңның бәрін жыртып тастағам"

"Хаттарыңның бәрін жыртып тастағам"

Жанғазы Ахметов Сембайұлы Жамбыл облысы Жуалы ауданы Шақпақата ауылында 1991 жылы дүниеге келген. Осы ауылдағы Қ.Сағындықов атындағы орта мектепті бітірген. М.Х.Дулати атындағы Тараз Мемлекеттік университетінде журналистика мамандығы бойынша білім алуда, қазір Жамбыл облыстық «АрСтан» газетінде тілшілік қызмет атқарады.

Жанғазының шығармашылығына қазірден бастап баға беріп жату қате шығар, бұл оның келешектегі еңбегінің ширегіне де жетпесі анық. Бұлай айтқан себебіміз де бар, себеп - оның аса еңбекқор екендігі. Шымыр ұйқас пен тың теңеулер де осы жас ақынның нысанына айналғандай. Ендеше, ақын бауырымызға жалындай жыр мен қап тауындай талап тілеп, бір топ өлеңдерін ұсынып отырмыз. 

 

Жақша

Жанымың жақшасы - тәнім,

Тәнімнің жақшасы - табыт.

МЕН қиып кетер ем бәрін,

Мені ОЛАР қимайды, анық.

 

Кеңдіктен көрінген кемдік,

Басқаға байланған бағым.

Жырымның жолдары мендік,

«Жақшаға» сыймаған шағым.

 

Бақыттың соныңда қалған,

Күлкімнің көбісі бақұл.

Тағдырға тартылды талғам,

Жүректі жеңгелі Ақыл.

 

Өңімнің қымталса меңі

Өзімді өзім ғой сатқан.

Кінәм мен Күнәмнің дені,

«Жақшаға» сыймаған шақтан.

 

Түн жұтқан пәктіктің сөлін,

Сезімнің шынысыменен.

Содан ба салмақты сорым,

Сорымды «Бағымнан» көрем.

 

Ұрлаттым білемін кімге

Үп етер үміттің нәрін.

«Түс емес, түсін...» деп түнде,

Құшақтап жылайды жарым.

 

О-о-о! Неге жылайды күлгір,

Санамда қаптатып сұрақ?

Менің ғой… Ертеңім бұлдыр,

Ал оның бақыты жырақ!

 

Кірпікке мұң ілген сұйық,

Тәңірім, тек соны деме.

…мен бәрін кетем ғой қиып,

Мені кім… қимайды… неге?!

 

Р.S: Біресе қан жылап ішім,

Біресе келеді күлгім.

Жаратқан, жалынам түсін,

Жақшаның сыртында жүрмін…

Менің ауылым

Осы ауыл,

Жүрілген жолдардың куәсі.

Мен жайлы менен кем білмейтін.

Осы ауыл,

Амандық аңқыған дұғасы,

Кештірген балаң күн - гүл кейпін.

 

Осы ауыл,

Кешенің келбетін сақтаған,

Өзгермес өткеннің өзегін.

Осы ауыл,

Мен үшін кір шалмас ақ ғалам,

Қиялдың күттірген кезегін.

 

Осы ауыл,

Шығарып саларда ырғалып,

Келгенше күтетін баласын.

Осы ауыл,

Шешемнің шеріне тым қанық,

Әкемнің көтерген наласын.

 

Осы ауыл,

Апамның жоғалған оймағы,

Атамның сүйенер таяғы.

Осы ауыл,

Мен жайлы өзгеше ойлады,

Һәм сосын өзгеше аяды.

 

Осы ауыл,

Ұрланбас ұйыған ырысы,

Жазылған жырлардың тұмсасы.

Осы ауыл,

Сұнқылы сыңситын түн іші,

Байғыз-үн жанымның мұңдасы.

 

Осы ауыл,

Тағдырым тұсауын қидырған,

Бағытты сілтеген бүгінге.

Осы ауыл,

Қос ағам қабірін сыйдырған,

…Мені де тоса ма түбінде?..

Шаһардан шаршадым көне

Шаһардан шаршадым көне,

Ағарған арманым кәні?

«Сағынсаң қайтып кел» деме,

Талақ боп тасталды бәрі.

 

Тағдырын тарсынған ақын,

Таразға сыймады тағы.

Алысқа кетемін жақын,

Белгісіз саған ол жағы.

 

Өгейім секілді өмір,

Жыласам жұбатар жалған.

Кетуге себепші көңіл,

Сенен һәм Қаладан қалған.

 

Сенен һәм Қаладан қалған,

Көңілдің күрсініс - демі.

Еееее сосын іздесең, Қарғам,

Тараздан таппайсың мені.

 

Осы енді ақырғы шешім,

Қош енді күндерім көркем.

Негізі мені де кешір,

Наламды түсініп, Еркем!

 

Кетермін сорымды жырлап,

Содан соң тірілтіп түнді.

Сынық Ай сәулесін ұрлап,

Сұлбалар сомдайды кімді?

Менсіз...

Шешім

                                       «...Маған да, саған да обал шын,

Сонда да жоғалшы...»

Мен күнәсін көтерейін обалдың...

Көздің нұрың сімірсе де көркің кіл,

Жүрегімнен біржолата жоғалғын,

Келмесе егер өлтіргін.

 

Көңілдерді бүркеп жатыр күдік мың,

Сезім жолға мұңды ілген.

Өткен күнге өкініш жоқ, ұмытқын,

Мен бе, ұмытып үлгергем.

 

Бақытына айналса да басқа адам,

Алынбаған ақым қалмас еш сенде.

Хаттарыңның бәрін жыртып тастағам,

Кешпе мейлі... кешсең де!

 

Жаутаңдама жас жуса да бетімді.

Көрінсе де өң солғын.

Ең ақырғы күрсінісім секілді,

Саған деген осы жырым - ең соңғым.

 

Ібіліске із кестірген сол күні,

Шағым айтпан көктемге.

Бақтан бұрын қауыз жарса сор гүлі,

Онда, Қарғам, ол көктемге өкпем не?..

 

Еншімізге ерте бастан тәуелді,

Жолақ жатыр қадам сұрап солай нық.

Түсініксіз һәм мұңдылау әуенді

Тосып қалды Жолайрық.

 

Кешегіміз біздер кешкен елес деп,

Менімен жыр, сенімен бір мұң кетті.

Біз екеуміз суйіспеуге емес

Тек,

Тағдырымыз түйіспеуге міндетті!

Оқшау ой

Санам санға сапырылып, ой онға,

Сабырымды сарқып ішкен сабылыс.

Қызыл… жасыл… жо-жоқ сары боялған,

Сағым өңді саған деген сағыныш.

 

…Өмір бізді өкінтумен өткізбек,

Ақ үміттің кірленгені үшін де.

Екеуміздің елесіміз жоқты іздеп,

Қаңғып жүрген қарашықтың ішінде.

 

Жырдағы мұң жүк болған соң жүрекке,

Әлдекімге шағым айтқыш ол да кіл.

Тәңір құлақ аса қалса тілекке,

Бақыт емес, - басымызға қонбағыр.

 

Өлең болып өрілуде өміршең,

Сезімдерім көңілсіздеу күй сіңген.

Елесіне есім кетіп егілсем

Тағдырымыз түйіспесін түйсінгем.

 

Сен туралы сыр суыртып тағы түн,

Ертеңімді өңмендетті кешеге.

Жүрілмеген жолдарымның бағытын,

Біле тұра, бүлк етпейді-ау пешене.

«Әдейі…»

Нүкте

Менсіз де таңдарың атар,

Сезімнің нүктесі терең.

Шешімім болса да қатал,

Кешірім күтпеші менен.

 

Құсалық салсам да саған,

Жанарда жалыныш еріп.

Өтініш танытпа маған,

Өкініш кейпінде келіп.

 

Арманға алданып бекер,

Үміттер үзілген шақта.

Құлқынның құлы боп кетер,

Көздерің сүзілген жатқа.

 

Көктемге шертіліп мұңым,

Өткенге қойылған нүкте.

Кешенің соңғысы бүгін,

Сол үшін сен енді күтпе!


...Бір дұға оқылып тосын,

Тәңірден тілекті сұрап.

Күзбен бір күрсініп, сосын...

Ұмытып кетерміз.

Бірақ...

Дайындаған: Ардақ Құлтай

Сурет: Жеке мұрағаттан, korgalzhyn.akmoedu.kz, islamdag.ru

4866 12
Рейтинг: +11

Дайындаған: Ардақ Құлтай
Қосылған күні: 14 қараша 2012, 17:52
Пікірлер
+0
14 қараша 2012, 16:34

Бұл жігіттен жақсы ақын шығады... Қаламы мұқалмасын!!!

+0
14 қараша 2012, 16:39

Мерейі үстем болсын! Өлеңдері тамаша!

+0
14 қараша 2012, 17:00

Тапқыр екен бұл жігіт, шығармашылықұ табыс тілеймін!

+0
14 қараша 2012, 17:23

Бақытына айналса да басқа адам,

Алынбаған ақым қалмас еш сенде.

Хаттарыңның бәрін жыртып тастағам,

Кешпе мейлі... кешсен де!

+0
14 қараша 2012, 18:26

Осы ауыл - мен үшін кір шалмас ақ ғалам... Ауыл туралы өлеңің керемет!

+0
14 қараша 2012, 23:50

Осы ауыл,

Ұрланбас ұйыған ырысы,

Жазылған жырлардың тұнбасы... деп оқыған дұрыс шығар менше... әрі ұйқасып тұр дегендей...

+0
15 қараша 2012, 01:22

Мына жігіттің өлеңдері мені ауыр һәм тұңғиық әлемге жетелеп әкетті. Біз кейде жаңалықтың не екенін білмей "ұлы" боп кеткен ақындардан іздейміз. Жүрегіңмен сезініп, бауырыңмен егіліп оқышы, ақын құрбым, замандасым, Сенбесең келіп көр! жүрегің қан жылап қоя береді. Мен өлеңнің логиксын осы жерде ұмытып кете бардым. Сенен қателік іздесе іздесін. бірақ, бірақ... мүндағы қателікті шерге малшынған оқырман дәл осы сәтте ұмытып кетеді екен. Өз басым тұңғыш рет оқыған осы өлеңдерден кейін өмірде өзгеше жол салғысы келген ақындарды кешіргің де келмей кеттім. Бауырым, ендігі өлең сенікі, жырлай түс, есіле түс! Һәм оқырманыңды егілте түс. Әлем, қазақ әлемі сонда ғана соқыр, сезімсіз жаңалықтан арыла түссін. Дәл осындай жырды сағынған ағаңнан. қандай жақсы мына өлеңдерді мастанып тұрып оқығаным!

+0
15 қараша 2012, 01:24

"Осы ауыл!
жазылған жырлардың тұмасы" шығар. Тұмса басқа мағына береді. Тұмадан мүлде алыс!

+0
17 қараша 2012, 01:32

Өлеңді оқып отырып орысша оқып отырған сияқты болып ежіктеп кеткенімді өзім де білмей қалдым... Неліктен екен...

+0
17 қараша 2012, 02:22

Кірпікке мұң ілген сұйық,

Тәңірім, тек соны деме.

…мен бәрін кетем ғой қиып,

Мені кім… қимайды… неге?!

+0
17 қараша 2012, 11:54

қуатты ақын екен. қалам мұқалмасын, жазар көбейсін! :!:

+0
30 желтоқсан 2012, 10:56

осындай ақындардың өлеңдерін жиі салыңдаршы

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Эссе жаза аласың ба?
Эссе жаза аласың ба?

ҰБТ-ның жаңа форматына сай эссе жазуды бірге үйренейік!

Автор: Аида Жеңіс
Шетелдік сериалдардың әсері.
Шетелдік сериалдардың әсері.

Шетелдік сериалдардың әсері.

Келін алдында бас ию ме, әлде келін алдындағы міндеттер ме?
Келін алдында бас ию ме, әлде келін алдындағы міндеттер ме?

Әрбір адамның өз міндеттері мен жауапкершілігі бар ғой, сол сияқты менің де ене...

Сұмдық апат «Шапекоэнсе»-де тірі қалғандар.
Сұмдық апат «Шапекоэнсе»-де тірі қалғандар.

Қазалы адамдар саны - 71. Апат туралы.

Автор: Olzhas Samatov
Құрбы керек...
Құрбы керек...

жақында өшіріледі.

Автор: <ҚАЗАҚ> ...

Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...