Оқи отырыңыз

Биікке көтерілгісі келетін адам баспалдақ жасап шығады.

Автор: Жапон мақалы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / Сауыры сабынданған күлік-көктем

Сауыры сабынданған күлік-көктем

Сауыры сабынданған күлік-көктем

Ербол Алшынбай қазақы қара өлеңнің қайнарынан қанып ішкен, қазақтың қасиетті қара сөзін бойына тұмар ғып байлаған азаматтардың бірі десем, жұрт артық айттың дей қоймас. Бір сөзді «айта салдым» үшін бір сөздің қадірін табанға таптамайтын ақын. Мүмкін аз жазатыны - өлеңге деген кіршіксіз адалдығынан болса керек. Сөз нәрін төкпей-шашпай «омартасын орны-орнына қоя білетін» жас ақынның өлеңдері назарларыңызда...

ІЛЕ

Екпініңді жұтты ма, сол тасбауыр жағалау,

Не өксисің тұншығып, мені өсірген анам-ау.

Өз отына өртеніп, құлап барад қызыл күн,

Қызыл күнді көрдім де, сендей болып бұзылдым.

Түн менен түн жиекте жапсарласа бергенде,

Сонау көктің көзінен бір-ақ сәуле көргем мен

Сол сәулеге асықтың толқындарың жарысып,

Сенің тамшың мен едім, толқи аққан жаны ұшып.

Жеттім әппақ сәулеге, жүрегімді нұр өбіп,

Түндей терең арналым, түнде қалдың түнеріп.

Түнге қарап толқимын, сені ойлаймын кей күні,

Үндемейсің сен неге, ей, Түркінің Жейхуны.

Сен жылайсың шерлісің, бірақ, заман таскерек,

Оның сөзі басқа сөз, оның мұңы басқа өлең.

Менің ұлы бабамның тұлпарындай екпіндім,

Мен сен болып толқыдым, толқынымды көкке ұрдым.

Теңіз құйсам өшпейтін өзегімді өрт жайлап,

Заман алып барады, мені сендей қақпайлап.

 

ҚҰЛАН АУҒАН

Дөңгелеп тұяғымен мына жалған,

Төсінен Қаражонның құлан ауған.

Толқыны сонда Іленің қойдай жусап,

Дүбірге құлақ тосып тына қалған.

 

Құйқалы қу далада жосып өтіп,

Оятқан дүн-дүниені есінетіп.

Еркіндік еркесімен кеткісі кеп,

Жүгірген жел соңынан есі кетіп.

 

Сауыры сабынданған күлік-көктем,

Жұпарлы самал күткен тұнық көктен.

Құлдырап құба белде құлан арман,

Бұлдырап көкжиекке сіңіп кеткен.

 

Қабарып, қас-қабағы Тәңіртаудың,

Шыдамы мүлде азайды сабыр-шалдың.

Құлазып құладүзге қарай-қарай,

Кірпігін жабады екен жабырқау түн.

 

Осылай өрнектедім бір жырымды,

Өмірге өлең керек күн ғұмырлы.

Құланы кеткен жаққа қарап үнсіз,

Бұл дала күтіп жатыр бір дүбірді.

 

ЖАЛҒЫЗДЫҚ

Жаны нәзік жапырағынан жас талдың,

Ойы сүйіп, күміс шыңын асқардың.

Жалғыз ғана жүреді екен ақын – ай,

Төсін таптап алашабыр аспанның.

 

Жүреді екен жалғыздықтан сансырап,

Мұңлы жыры тұрған нұры тамшылап.

Айдың жырын тыңдамайды онда ешкім,

Баяғы аспан, баяғы түн, сол тұрақ.

 

Қара түнді, қара аспанды кірі көп,

Жауайын деп сүйді тағы нұры кеп.

Жердің жасыл ормандары дір етті,

Ал аспанда айып ұққан бірі жоқ.

 

Көп қайғыдан көкірегі шерменде,

Сыртын беріп қара аспанға көр кеуде.

Шыңнан асып кетті сөніп ақын – ай,

Шығыс жақтан шолпан туа бергенде. 

 Дайындаған: Қайсар Қауымбек

Сурет: wallpaper.zoda.ru

723 0
Рейтинг: +0

Дайындаған: Қайсар Қауымбек
Қосылған күні: 23 қазан 2012, 19:32
Пікірлер
+0
23 қазан 2012, 18:52

мықты екен мына поэзия!

+0
24 қазан 2012, 09:04

Өлеңдердің жақсысы жалғыздықта туады!

+0
24 қазан 2012, 10:42

Бірінші өлең ұнады

+0
24 қазан 2012, 14:16

сауыры сабындалған күлік көктем... осы бір тармақпен ақ тұтас өлеңдерін бағалауға тырысам. Ербол, ендеше со күлік көктемнің сауырында енді жыр шайқалып жете бергей!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Менен сізге 7 кеңес
Менен сізге 7 кеңес

...есімнен адасатын шығармын...

БУВЕ НҮКТЕСІ
БУВЕ НҮКТЕСІ

"Олардың тарихы" беллетристикасынан

Автор: Мерей Қосын
Музыкамен сырласып, мұңдасамын
Музыкамен сырласып, мұңдасамын

Музыка – жүрек тілі, ол – сезімдер мен көңіл-күй әлемі. Ол дыбыстар арқылы...


Соңғы аудармалар

EXO – For Life [kaz_sub]
EXO – For Life [kaz_sub]

Оңтүстік кореялық-қытайлық бойз-бэнд EXO "For Lifе" бейнебаянымен қайта оралды. К-поперлер жақсы білетіндей, 2016 жылдың 5 қазанында S.M. Entertainment EXO-ның ізбасары EXO-CBX тобын таныстырды. "For Life" бейнебаянын Lvoe фансаб-тобы қазақша субтитрмен ұсынып отыр. Көрейік! 

JESSICA – Wonderland [kaz_sub]
JESSICA – Wonderland [kaz_sub]

Джессика Чон – корей-американ тегінен шыққан әнші, биші, актриса, модель. АҚШ-тың Калифорния штатында туған. Ағылшын, корей тілдерін жетік меңгерген. Girls’...

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда...