Оқи отырыңыз

Көркем сөз – көңіл тілі,
Жалаң сөз – зейін тілі.

Автор: Ахмет Байтұрсынұлы

— Редактор бағаны —

Массагет жастарды жұмысқа шақырады
Массагет жастарды жұмысқа шақырады

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / Не дейін, Еркешім?

Не дейін, Еркешім?

Не дейін, Еркешім?

Құрметті оқырмандар, бүгін біз сіздерге жас ақын Нұртас Тұрғанбектің шығармашылығынан өлеңдер ұсынбақпыз. Әдебиет әлемінде  қаламын қайыстырып алмастан, шабытын шыңдап, өлеңді жанына серік қылған Нұртастың жырлары тап-таза сезімдермен үйлескендей.

Не дейін, Еркешім?

Не дейін, Еркешім?

Былапыт, былғаныш тірлікті кешкенде,

Ғаламым ғаламат дүрлікті дес берме.

Түймедей нәрсені түйедей еткен шақ

«Сақтаймын – деуші едім, бірлікті өскенде».

Не дейін, Еркешім?

Мен соған дейін де бекерге тырыстым,

Жүзінен жүгіріп өтем деп қылыштың.

Мұң басқан жаныммен мұңдасқан қауым жоқ

Көңілді көр болған көтермек бір ұшқын.

Не дейін, Еркешім?

Там-тұмдап жүргенде тасынды қиял-мұң,

Қиялға ерем деп басымды қиярмын.

Өтірік күлгеннен шаршадым бірақ та

Жылағым келсе де, жасымды тыярмын.

Не дейін, Еркешім?

Жүрегім үлкен де, көлемім кішірек

Қиналам несіне?

Өр едім мысы бек.

Өртенер сезімді маздатып жатқанда

Тұрады қарагер өнерім кісінеп.

Не дейін, Еркешім?

Желпитін жел болып өткенің далбаса,

Болашақ сенім жоқ өткенім алдаса.

Көлемім, жасым да өзіңнен кішірек

Ертерек есейіп кеткенім болмаса.

Не дейін, Еркешім,

Өзіңді өмірге тым қиын ертесің,

Сезімдей үзіпті қырғиым желкесін.

Несіне елітіп, несіне іздейсің,

Несіне жанымның қыл күйін шертесің?..

 

Үзіліп жапырақ жылап тұрды бақта

Кешірші, өзіңді ұнаттым бірақ та...

 

Мұң. Мен. Түн.

Мұң...

Тәтті ме, білмеймін, ащы ма?

Жатады жанымда жас тұна.

Жүректі сезімге езгілеп,

Батады табанның астына.

Мен...

Сол мұңды қабылдап аламын,

Жас болар шық тұрған жанарым.

Масқа да серік боп, жасқа да

Тасқа да мұңымды шағамын.

Түн...

Ойлар  мен ойнақтың мекені,

Басымда онсыз да жетеді.

Жалғыздық жатады жаңғырып,

Сездіріп сорымды екі елі.

Ал...

Бәрін де түсінсең, қабыл ал,

Жанымды мұң тұнған танып ал.

Біреуді сүйеді тек үнсіз

Біреуді іздер де, сағынар.

Қал...

Сәтінде сезімді қармап қал,

Өлеңді демегін арнапты әр.

Сезімнен сал болған аяқ-қол,

Саусақтар, шабылған бармақтар.

(Тек жүрек соғады дүрсілдеп

Осынау тірлікті жалғап бар)

Біл...

Жүректің мұң-сырын танып біл,

Жаралы жанымды жарық қыл.

Іздеткін, сағынтқын, зарықтыр,

Сен де ізде, бақытқа қанық қыл!

Бұл...

Көмейден шықпайды біркелкі үн,

Жыр түнек – өмірім, жыр – көркім.

Ақындық – өзімнің әлемім:

Мұң. Мен. Түн...

Сурет: favim.ru

5563 12
Рейтинг: +2

Дайындаған: Ақерке Әбілхан
Қосылған күні: 10 шілде 2012, 18:49
Пікірлер
+0
10 шілде 2012, 16:38

Осы бір жігіттен жақсы ақын шығады. Көп мақтанып кетпесе болды. былайынан алғанда Аманханның барып тұрған өзі...

+0
10 шілде 2012, 16:44

танимын бұл баланы :)

+0
10 шілде 2012, 16:49

Не дейін, Нұркешім???

+0
13 шілде 2012, 12:32

:lol: :lol:

+0
10 шілде 2012, 17:01

Тәтті ме, білмеймін, ащы ма?

Жатады жанымда жас тұна. :!:

+0
10 шілде 2012, 19:40

`Жүзінен жүгіріп өтем деп қылыштың`

+0
11 шілде 2012, 08:38

Мұң.Мен.Түн-іәдемі екен!!!

+0
13 шілде 2012, 12:24

Нұртас менің досым сондықтан оны тек поэзияның шыңынан көргім келеді. Өлеңдері өрісін кеңейтіп, бұқара халықтың мұң мұқтажын жырлап, халықты талантымен тамсандырсын!

+0
13 шілде 2012, 12:31

Айтканыныз келсін деп тілейік!

+0
14 шілде 2012, 13:40

Біреуді сүйеді тек үнсіз

Біреуді іздер де, сағынар

+0
27 шілде 2013, 22:08

рахметіңіздер

+0
27 шілде 2013, 22:09

өйтіп-бүйтіп тіркелдім ғой

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо Джон Сок 

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...