Мұндай жеміс жеп көрдіңіз бе?

Мұндай жеміс жеп көрдіңіз бе?
Фото: newrezume.org

Генотипінде айырмашылығы бар екі организмді будандастырудан алынған жаңа организм ғылым тілінде гибрид, будан деп аталады. Бұл организм ботаника мен зоологияда зерттеліп келеді.

1694 жылы неміс ғалымы Р.Камерариус гибридтерді алғаш жасанды жолмен алуды  ұсынған. Дегенмен ең алғаш рет 1717 жылы ағылшын бағбаны Томас Фэйрчайлд қалампырдың әр түрін будандастырып, теорияны тәжірибе жүзінде іске асырды. Қазіргі таңда жеміс-жидекке де тәжірибе жасалып келеді. Назарларыңызға будандасқан жеміс-жидек түрлерін ұсынамыз.

Тайберри  қара бүлдірген мен таңқурайдың буданы.

Плумкот  алқоры мен өріктің гибриді.

Йошта  қара қарақат пен қарлығанның (крыжовник) буданы.

Рангпур  мандарин мен лимонның гибриді.

Углифрут (Ugli)  грейпфрут, апельсин және мандариннің гибриді.

Қанды лайм  аустралиялық лайм мен қызыл лимонның буданы.

Грейпл  түрі алмаға ұқсағанмен, жүзім дәмі бар жеміс.

Лемато  лимон исі бар қызанақ гибриді. Бұл жеміс көкөніске жеміс исін беруге болатынын дәлелдеу үшін тәжірибеден пайда болған.
 

Пайнберри
– ананас дәмі бар ақ бүлдірген. Чили бүлдіргені мен вирджин бүлдіргенінің буданы.
Г. Берік