Емтиханға қалай дайындаламыз?

Емтиханға дайындалу керек болса, құр жаттап алам деп әуре болмай-ақ қойыңыз. Мамандар оның пайдасының шамалы екенін анықтады. Олар оның орнына есте сақтаудың ең оңай тәсілдерін айтты. Біз бүгін назарларыңызға соларды ұсынғымыз келіп отыр.

1. Егер берілген материалды санаңызға сіңіріп алуға 2 күн ғана уақытыңыз болса, онда мына әдісті қолданыңыз: 

Барлық мәліметтерді оқып болған соң бірден қайтадан қайталап оқып шығыңыз. 

Алғаш қайталағаннан кейін араға 20 минут салып тағы бір рет оқып шығыңыз. 

Үшінші рет 8 сағаттан соң қайталаңыз. 

1 тәулік өткеннен кейін тағы бір рет қайталып жіберсеңіз, емтиханға тас-түйін дайын боласыз. 

2. Ал, егер уақытқа шектеу болмай, ақпараты ұмытпай, есіңізде біраз уақыт ұстағыңыз келсе, мына бір кеңеске құлақ түріңіз. 

Бірінші қайталау — бірден оқып болған соң; 

Екінші қайталау — бірінші қайталаудан 20-30 минуттан кейін; 

Үшінші қайталау — екінші қайталаудан 1 күн өткен соң; 

Төртінші қайталау — үшінші қайталаудан 2-3 аптадан кейін; 

Бесінші қайталау — төртінші қайталаудан 2-3 ай өткен соң. 

Бірінші тәсіл де, екінші тәсіл де қатты қиын емес екеніне көзіңіз жетіп отыр. Сондықтан құр жаттап алып, ертеңіне ұмытып қалғаннан гөрі осы әдіс-тәсілдерді қолданғаныңыз жөн. 

Іске сәт, достар!