Ең танымал және көп қолданылатын сөздер
«Washington Profile» жариялаған Интернетте соңғы жылдары ең танымал болған сөздердің ондығы. Олар:
- refugee/босқын
- tsunami/цунами (бұл сөз оңтүстік-шығыс Азия елдерінде болған тасқыннан кейін көп қолданыла бастады)
- Pope/Папа (бұл сөздің жиі қолданылуы соңғы кездері Рим Папасы сайлауының қарсаңында үдеген)
- chinglish/чанглиялық тіл (ағылшын және қытай тілдерінің комбинациясы, бұрынырақ - «пиджин-инглиш» деп аталды)
- H5N1 («құс тұмауы» вирусы)
- recaille/жексұрын (бұл французша сөз. Француздар оны елде бүлік ұйымдастырған эмигрант жастарға қаратып айтқан екен)
- Кatrina/Катрина (АҚШ жеріне үлкен залал әкелген теңіз дауылы)
- wiki/вики (полинезий тілінің гавай диалектінде "вики-вики" сөзі "жылдам-жылдам" дегенді білдіреді. Қазір оның атымен Wikipedia интернет-энциклопедиясы аталады)
- SMS/СМС (ағылшын тіліндегі short message service сөзінің қысқартылып алынған бас әріптері)
- insurgent/инсургент (латыншадан аударғанда "көтерілісшілер" дегенді білдіреді)
«Global Language Monitor» та әлем жастары соңғы кезде қандай сөздерді жиі қолданатынын жазды. Олар:
- Crunk (хип-хоп жанрының бір бағыты, "көңілді" деген мағынаны береді)
- Mang (man - «адам» немесе «еркек» сөздерінің вариациясы)
- A’ight (All right тіркесінің вариациясы - «бәрі жақсы», «бәрі дұрыс»)
- Mad («көп» сөзінің басқаша айтылуы)
- Props (қол шапалақтау немесе алғыстың басқа түрлері)
- Bizznizzle (рэппер Snoop Dogg алғаш қолданған сөз, «іс» дегенді білдіреді)
- S’up (ағылшынша «what is up» немесе «қалайсың?» тіркестерінен шыққан)
Сондай-ақ әлемдегі ең көп қолданылатын сөз O.K., OK немесе O'kay болып шықты. Бұл сөз ағылшын тіліне 19-ғасырдың ортасында енді.
«Global Language Monitor» есебінше, әлемде 6912 тіл бар екен. Ағылшын тілінде 989 614 сөз белгілі. Бірақ, қарапайым американдықтың сөздік қоры 14 мыңнан аспайды. Уильям Шекспир 24 мың сөз қолданған. Ол өзі әдеби айналымға 1,7 мың сөзді енгізді.
Ал «Internet World Stats» Интернетте көп ізделетін он тілдің тізімін ұсынды. Олар:
- ағылшын тілі - Интернет қолданушылардың 29.7% тұтынады
- қытай - 13.3%
- жапон - 7.9%
- испан - 7.5%
- неміс - 5.4%
- француз - 4.6%
- португал - 3.1%
- корей - 3.1%
- итальян - 2.7%
- орыс - 2.2%
Дайындаған: Болат Қосмағамбет
сурет: usanov.net
