Шегіргүлдерге арналған мереке

Шегіргүлдерге арналған мереке

Бүгін, яғни ақпан айының төртінші жұлдызы күні Францияның Тулуз қаласында дәстүрлі "Шегіргүлдер фестивалі" өтіп жатыр. Алғашында қала көлемінде тойланған мереке мемлекеттік деңгейге көтеріліп, кейіннен халықаралық дәрежеде ұйымдастырылатын болды. Фестивальға әлемнің түкпір-түкпірінен адамдар қонаққа келіп, шегіргүлге деген махаббаттарын паш етеді. Тулузаны "алқызыл қала" немесе "шегіргүлдер (фиалка) астанасы" деп бекер атамайды. Өйткені, басқа еш жерде осы бір сұлу гүлдерге мұншама ілтипат, мұншама құрмет көрсетілген емес. Фестивальдің француздық атауы -  Toulouse Violet Festival.

Шегіргүлдердің халықаралық астанасындағы қонақ үйлер ендігі толып қалды. Қатысушылар немесе жәй ғана туристер алдын ала тапсырыс бермесе, баспанасыз қалады. Мұндай жағдайлар болған.

Ал мұндағы гүлдер шеруін көрген де арманда, көрмеген де арманда! Сондай-ақ мереке күні қала ғимараттарында шегіргүлсүйгіштерге арналған семинарлар мен конференциялар ұйымдастырылады. Франция, Италия, Швейцария, Венгрия, Жапония, Қытай, Аустралия, АҚШ сынды алпауыт елдерден арнайы келген ғалымдар, ботаниктер, гүл өсірушілер, агрономдар, өндіріс орындарының басшылары бір ортаға жиналып, өзара тәжірибе алмасады.
 
Фестивальдің ең қызықты сәті - шегіргүлдер сайысы. Сондай-ақ гүлдер көрмесі мен жәрмеңкесін, гүлдердің қатысуымен өтетін ойын-сауықтарды, көңілді би кештерін қызықтап, көңіл көтеруге болады.
Суреттер: kulturologia.ru,bigpicture.ru

Дайындаған:Айгерім Сматуллаева