Оқи отырыңыз

Биікке көтерілгісі келетін адам баспалдақ жасап шығады.

Автор: Жапон мақалы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әлемтану / Қазақстаным / Студенттің бір күні...

Студенттің бір күні...

Студенттің бір күні...

Студенттік кезең - өмірдің ең бір қызықты, мәңгілік ұмтылмастай керемет шағы. Жатақхана. Мөлдір махаббат. Алғашқы қиындықтар. Емтихан. Ұйқысыз түндер. Ауылға деген сағыныш. Көңілді кештер... Мұндай тамаша сәттердің қадірін студент деген асқақ атты иемденген пенде ғана біледі. Алайда, мәңгі студет болу ешкімнің де маңдайына жазылмаған. Бәрі де өткінші. Күрең күздің жаңбыры да, қытымыр қыстың қақаған аязы да, жаймашуақ жаздың аптапты ыстықтары да, көгілдір көктемнің батпақтары да білінбестен тез өте шығады...

Студенттік өмір туралы айтылатын әңгіме тым көп. Оны бір жазбаға сыйдыру да мүмкін емес. Осы орайда Массагеттіктер болып Студенттер мерекесінде тығырықтан шығудың бір жолын ойлап таптық. Ол жоба - "Студенттің бір күні" деп аталады. Алматыдағы алдыңғы қатарлы жоғарғы оқу орындарының студенті, біздің кейіпкеріміз Дина Ермекжан студенттік шақтың бір күнін көз алдыңызға алып келе алады деген үміттеміз. Бізбен бірге болыңыз!

Қоңыр күздің қарапайым күндерінің бірі. Шырт ұйқыда жатқан студент... Кенет оятардың дауысы шырылдап қоя берді. Бұл - студентке "оян" деген бұйрық еді.

Тәтті ұйқы мен жылы төсекті қимай көтерілген қыр гүліндей құлпырған аруымыз үшін тағы да бір жаңа күн басталды.

Әлі де көзін ашуға қиналып, ұйқылы-ояу жүрген студент жуынып-шайынып, жаңа күнге дайындалуда.

Таңғы ас. Анасының "таңғы асыңды тастаушы болма" деген ақылын жерге тастамаған Дина тәбеті болмаса да, тамақтануға отырды.

Талайдың жылы ұясына айналған жатақхана өзінің сүйікті тұрғынын "инемен құдық қазуға" шығарып салып тұр. Студент те күнделікті әдеті бойынша сабаққа аттанып барады.

Біздің Дина университеттегі кабинеттердің бірінде өзінің құрбыларымен бірге сабақта отыр.

Сағаттаған семинарлар мен дәрістер... Ұстаздардың себуден жалықпайтын білім нәрі... Жақсы маман болсам деген студенттің қарқынды талпынысы... Бұл да күн сайын қайталанатын әрекеттердің бірі еді.

Әйтеуір, сабақ та аяқталды-ау! Студент, сіз сабақ аяқталысымен қайда барушы едіңіз? Ал біздің бойжеткеннің қайда баратынын білгіңіз келсе, бірге жүріңіз...

Дина бойжеткен аялдамада автобус күтіп тұр.

Әрине, сапалы білім алып, қоғамға өз үлесін қосу кез келген студенттің парызы. Алайда, мұнымен шектеліп қалуға болмайды. Жаңа ғасыр студенттен одан да көпті талап етеді. Дина өзінің болашақ армандары мен мақсаттарын бағындыруда септігі тиер деген ниетпен би үйірмесіне қатысып жүр. Билеу - Динаның оқушы кезден бері келе жатқан сүйікті ісі. Жаныңа жақын іспен айналысып тұру деген ғажап емес пе? 

Бір тәулігінің 1-2 сағатын биге арнауды әдетке айналдырған бойжеткен би жаттығуларын жасаудан жалыққан емес.

Би үйірмесі де аяқталды. Дина тағы да аялдамаға келіп тоқтады. Қайда бара жатыр дейсіз бе?

Әрине, кітапханаға! Студент - ізденуші. Ал кітапхана - оның екінші үйі.

Өзіне керек ақпараттарды тауып алған Дина ұстаздарының тапсырмасын орындауға кірісіп те кетті.

Көркем шығарманың қызық болғаны соншалықты, студент өзінше бір әлемге еніп, қиялдың қыл шылбырынан ұстап алған секілді...

Кітапханадағы жұмыстарын бітіргенше сағат алтыдан асып қалды. Театр қойылымдарын тамашалауды жанындай жақсы көретін Дина Қарашаңырақ М.Әуезов театрына қарай жол тартты.

Алыстағы ата-анамен, туған-туыс, бауырмен амандық сұрасып, әңгіме-дүкен құру - студенттің сүйікті істерінің бірі. Ұялы телефонмен айтылатын сағаттаған әңгімелер сағынышты басудың қамы ғой...

Қойылым өз мәресіне жеткенше кеш батады. Таң атқанда ақ жол тілеп аттандырған жатақхана қараңғы түскенде өз тұрғынын шамдарын жағып қарсы алып тұр.

Студенттің тіршілігі сабақ оқып, үйірмеге қатысып, театр жағалаумен бітпейді. Студент үй шаруасымен да жақсы айналыса білу керек. Тамақ жасау, бөлме жинау, кір жуу, құрбыларымен сырласу - ол да бір жасамауға болмайтын міндеттер сияқты. Дина, уақыт созбастын тамағын жасауға да кірісіп кетті.

Кешкі асты ішіп, асқазанды тыныштандырып болған соң, жазу жазудан жалықпаған студент үй тапсырмасын орындауға отырады. Бұл да күн сайын қайталанатын әрекеттердің бірі...

Күні бойғы қарбалас тіршіліктен әбден шаршап-шалдыққан Дина әзер дегенде сабағын жазып отырды да,

ұйықтап кетті...

Біздің кейіпкеріміздің бір күні жоғарыдағыдай болды. Сіздің ше? Студент, сіз бір күніңізді қалай өткізесіз?

Суреттерді түсірген және дайындаған: Айгерім Сматуллаева

12512 25
Рейтинг: +10

Дайындаған: Кәусар Мұң
Қосылған күні: 17 қараша 2012, 16:18
Пікірлер
+0
16 қараша 2012, 09:48

Эхх студенттік кездер ай, сағындым қайта оралмас сол бір шақты....

+0
16 қараша 2012, 10:01

Хехе))) Менің студенттік күнімді түсірсе, үш күндік материал шыға келеді :lol:

+0
16 қараша 2012, 10:37

Дина суретке мықты түсіпті. Бір күннің әдемі өтетіндігі туралы жақсы жазба болды ғой.

+0
16 қараша 2012, 10:52

Эх, студенттер-ай, күніміз осы ғой, сабақ, кітап деп жүріп, түскі тамақты да ішпейміз. Тәбетсіз ішкен таңғы ас пен өзі пісірген кешкі ас арасында талдырмаш қыз "үзіліп" кетпей қалай шыдады екен?.. ;-)

+0
16 қараша 2012, 11:11

студенттік күндер-ай)

+0
16 қараша 2012, 11:34

Осы қызбен таныстырып қойшы мені :mrgreen:

+0
16 қараша 2012, 12:28

Күшті жасалыпты

+0
16 қараша 2012, 12:42

Театрда қойылымды өзі жалғыз қараған сияқты :mrgreen:

+0
16 қараша 2012, 23:50

:D :D :D :D :D :lol: :lol: :lol:

+0
16 қараша 2012, 12:43

түскі асқа баруды ұмытып кеткен-ау деймін. Биген баратындар диета ұстайтын шығар))

+0
16 қараша 2012, 13:37

И, ЖАНЫМ СОЛ. ӘДЕМІ ЕКЕН.

+0
16 қараша 2012, 13:41

сырғасын шешпей жатады екен :)

+0
16 қараша 2012, 15:19

Аз-маз кемшіліктер болғанымен, Айгерімнің бұл бірінші жұмысы. Кейін ұсақ-түйектерді ескеріп, осындай керемет репортаждар жасайды деп сенеміз. Молодец, Айгерім! :)

+0
16 қараша 2012, 15:36

компьютердің жанында ұйықтап қалып таңертең төсекте оянатыны жақсы екен)))

+0
16 қараша 2012, 15:39

Иә, мінсіз дүниені бірден жасай салу өз ісінің шеберлеріне тән емес, фоторепортаж маған да өте ұнады, идеясы мықты... Әйгерімге шығармашылық табыстар тілейік...

+0
16 қараша 2012, 17:07

Әдемі қыз екен!

+0
16 қараша 2012, 18:14

Эх,студенттік күндер-ай

+0
16 қараша 2012, 18:15

,-деп мен де отыратын шыгармын бір күндері :)

+0
16 қараша 2012, 19:48

Фоторепортаж жақсы ойластырылған, суреттердің сапасы керемет, қыз да сұлу. Кемшілігінен бұрын идея маңыздырақ! Сол себептен Айгерімге қол шапалақтаймын "БРАВО"))!

+0
16 қараша 2012, 21:47

Айгерім, жарайсың! маған қатты ұнады! материал да әдемі, материалдағы қыз да әдемі, Дина)))) жақсы жазылған! идеяға мүлдем әңгіме жоқ! әрі қарай да тамаша материалдарыңмен қуанта бер! сәттілік!

+0
16 қараша 2012, 23:36

Күшті! менің күнім бірақ басқаша. ;) Мадес, Айгерім! Әдемі шыққан

+0
17 қараша 2012, 01:10

Мынандай бақытты өмір сүріп жатқанымызды кейде ұмытып кетеміз ғой! Айгерім, жақсы жасапсың, тамаша!

+0
17 қараша 2012, 02:18

Жатақханадағы мәңгі естелік боп қалатын күндерім

+0
17 қараша 2012, 02:44

тәтті күндерім есім етүсіп кетті.

+0
17 қараша 2012, 11:47

Қыз көрім екен. Бірақ аш отырған студентті суретке түсірсе қызықты болар еді-ау ;)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

"Папаңнан" ұят болмасын...

Мен ұғынып болмаған тәрбие

Құлағыңды кесіп алайын ба?!
Құлағыңды кесіп алайын ба?!

Құлақ есту үшін бе әлде бастың пішінінің әдемілігі үшін бе?

Өмірдің өзі үлкен қоңырау секілді...
Өмірдің өзі үлкен қоңырау секілді...

Өмірдің симфониясы болған сыңғырлар.

БУВЕ НҮКТЕСІ
БУВЕ НҮКТЕСІ

"Олардың тарихы" беллетристикасынан

Автор: Мерей Қосын

Соңғы аудармалар

EXO – For Life [kaz_sub]
EXO – For Life [kaz_sub]

Оңтүстік кореялық-қытайлық бойз-бэнд EXO "For Lifе" бейнебаянымен қайта оралды. К-поперлер жақсы білетіндей, 2016 жылдың 5 қазанында S.M. Entertainment EXO-ның ізбасары EXO-CBX тобын таныстырды. "For Life" бейнебаянын Lvoe фансаб-тобы қазақша субтитрмен ұсынып отыр. Көрейік! 

JESSICA – Wonderland [kaz_sub]
JESSICA – Wonderland [kaz_sub]

Джессика Чон – корей-американ тегінен шыққан әнші, биші, актриса, модель. АҚШ-тың Калифорния штатында туған. Ағылшын, корей тілдерін жетік меңгерген. Girls’...

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда...