Ертең елдің батысында жауын жауады

Синоптиктердің болжауынша, 27 қыркүйек күні елдің батысы мен солтүстігінде жауын жауып, екпінді жел соғады. Бұл туралы Massaget.kz тілшісі "Қазгидрометке" сілтеме жасай отырып хабарлады.

Елдің басқа аймақтары жауын-шашынсыз болады деп күтілуде. Ақтөбе, Ақмола, Солтүстік Қазақстан, Павлодар, Қостанай, Қарағанды және Шығыс Қазақстан облыстарындағы желдің жылдамдығы 15-20 м/c болса, Алматы облысының кейбір жерлерінде 25 м/с-қа дейін жетеді.

Атырау облысында тұман түседі. Қарағанды және Шығыс Қазақстан облыстарындағы ауа температурасы 0-3 градусқа дейін түссе, елдің оңтүстігі мен оңтүстік шығысындағы өрт шығу қаупі сақталады.

Дайындаған: Еркебұлан Қайрахан

сурет: ©РИА Новости