Оқи отырыңыз

Өзіңді өз бойыңнан биікпін деп ойламау да – биіктік.

Автор: Ғабит Мүсірепов

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Денсаулық / Адам неге жылайды?

Адам неге жылайды?

Адам неге жылайды?

Көз жасы - мылқау тіл

Вольтер

"Күлкі - өмірдің кілті" дедік, жігітті күлкісінен тану туралы да айтып бердік. Қолданушымыз Салто Салтош жылағанның пайдасы қандай екен деген сұрақ тастапты. Расымен көз жасының да жақсы жағы бар ма екен?

Көз жасының бірден-бір пайдасы адамды күйзелістен құтқаруында. Біз жылайын деп отырған біреуге "Жылап ал, жеңілдеп қаласың" деп бекер айтпаймыз. Өйткені, негативті эмоцияларды іште сақтап жүру өте ауыр. Әйелдерге қарағанда 5 есе аз жылайтын еркектер аз өмір сүреді. Сондықтан, жылағымыз келген уақытта бақырып-бақырып жылап алғанымыз жөн. Яки, көз жасы ағзаны тазартады. Көзімізді әлсін-әлсін жыпылықтатып отыру арқылы жанарымыздың құрғамауын қадағалаймыз. Көз жасы көзді құрғатпай, оны сақтайды.

Көз жасы әртүрлі болады. Соған орай, әр кезде шығатын жасымыздың құрамы әртүрлі. Ғалымдар көз жасының химиялық құрамын зерттеу барысында, жылаған кезде ағзамызға зиянды химиялық заттардың көз жасымен бірге сыртқа шығатынын анықтады.

Ең қою, тұзды жасты біз қатты қиналып, өмірден түңілген кездерде төгеміз. Осы жасты сыртқа шығарып тастаудың пайдасы орасан. 

Ал адам елжіреп қуанған кезде, немесе қатты әсер алғанда (кино көріп отырып, кітап оқып жатып) көзден жеңіл жас шығады. Ішегіміз түйілгенше күлген кезде де көзіміз осындай жас бөледі.

Пияз турағанда, ыстық шайды байқамай ұрттап қойғанда шығып кететін жасымыз әлдеқайда тұщы жас. Жанарымызға кенеттен қиқым түсіп кетсе, жас бұрқ ете түседі. Яки, көз жасы - ағзаның қорғанышы.

Дегенмен, жападан жалғыз қалып жылаудың пайдасы аз. Жастыққа тұншығып көз жасымызды көлдетуден бойымыз жеңілдесе игі. Ал психологтардың айтуынша, іштегіні жылап сыртқа шығарудан бұрын, кімнің алдында жылайтының маңызды. Жаныңды ұғып, жүрегіңді түсінетін адамның алдында егіліп отырып, бір жылап алсаң, бойыңнан ауыр жүк түскендей жеңілдеп қалатының рас...

Ал дәрігерлер ағзаның жай-күйін қан алу арқылы анықтағаннан гөрі, көз жасына қарап анықтаудың пайдасы әлдеқайда зор деп отыр. Жүйке жүйесінде зақымы бар науқастардың халін көз жасын сараптамадан өткізіп барып айқындамақ болып отырған дәрігерлер қалт айтпаса керек. 

Кішкентай бөбектер кейде жас шығармай жылайды. Бақырып жатқандай болғанымен, көзіне қарасаң, көзінде бір тамшы да жас жоқ. Сонда періштедей бөбек өтірік істеп жатыр ма? Жоқ! Бала туғаннан көз жасының қабаты болады, бірақ, ол қабат тек көзді қауіпті заттардан қорғап, оны құрғатпауға ғана жетеді. Яки, әлі есін білмейтін бала көз жасын эмоциясын сыртқа шығару үшін пайдаланбайды.

Жыласақ, тек қуаныштан ғана жылайық...

Дайындаған: Мейіргүл Оңғарова

Сурет: blogs.privet.ru, mamaclub.ua

7889 0
Рейтинг: +0

Қосылған күні: 15 маусым 2012, 12:45
Пікірлер
+0
15 маусым 2012, 13:52

Тек қана қуаныштан жылайықшы!!!

+0
15 маусым 2012, 14:14

бақырып-бақырып жылап алғанымыз жөн* :lol:

+0
15 маусым 2012, 14:26

осыдан 2 жыл бұрын ҰБТ-дан шыққан соң дәл солай бақыреп-бақыреп жылап алғанмын :D

+0
15 маусым 2012, 14:39

жылағанның пайдасы бар...әттең, қазір жылай алмаймын

+0
15 маусым 2012, 15:12

ал мен жылауықпын :D

+0
15 маусым 2012, 15:16

менің көзімде бұлақ бар-ау. біреу сәл қатты сөйлеп қалса да, артық қалжыңдасса да көз жасым дайын тұрады. бақырып емес әрине, бірақ көзімнен бір-екі тамшы үзіліп түсіп үлгереді. солай істейін демеймін... бұл неге екен??? бірақ артынша күліп кете берем. бірақ тығылып жүріп-жүріп жылағанда шынында да ащы жас шығады. бірақ артынан жеңілдеп қалғаныңды бірден байқайсың...

+0
15 маусым 2012, 17:25

Адам жылдар өткен сайын, қатая түсетін сияқты. Бұрын кино көріп, әсіресе үнді киноларын көргенде жылайтын едім. Ал қазір жыламақ түгілі ырымы да жоқ. Бірде қайтыс болған сыныптасымның үйіне көңіл айтуға барған едік. Барлығы ағыл-тегіл жылап жатқанда, жас шықпады. Ішімнен жылағаныммен, сыртқа шығара алмадым. Әлде кейінгі кезде "қиналсаңда, жыласаң да ішіңде болсын" сөзді басшылыққа алған соң ба. Білмедім. Жазбаға қарап отырсам, мен біреудің қасында жылай алмайды екем. Тек жалғыз болғанда ғана болмаса...

+0
15 маусым 2012, 17:25

бөбектер басқа ештеңе істей алмағаннан жылайды, біз де сол амал жоқта жылаймыз.

+0
16 маусым 2012, 00:36

Бавария финалда жеңілгенде бір тыныш отырып жылап алып ем :)

+0
19 маусым 2012, 14:53

ой бауырым, қайттан еске тусіріп жібердіңғо :cry: ИншаАллах, осы ЕУРОда Швайни бастаған жігіттер әлі-ақ көрсетеді! Сен маған, кубок біздікі, өйткені казіргі сосатавта Роббен жоқ :mrgreen:

+0
20 маусым 2012, 00:32

Білем аға! ол Бавария үшін ең соңғы көз жасым!) Я, Роббеннің неміс болмағанына шүкір дим!)) :mrgreen:

+0
18 маусым 2012, 21:06

кейде менің көз жасым еріксіз шығады :cry: қалай жыламай шыдап тұруға болады :?:

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Жүректерге тазалық сыйлаған «Театр көктемі»
Жүректерге тазалық сыйлаған «Театр көктемі»

Жылдың елеулі оқиғаларының бірі, Мұхтар Әуезов атындағы Қазақ мемлекеттік...

Студент үшін ақша табудың тиімді жолы.
Студент үшін ақша табудың тиімді жолы.

Өмір - кей кезде адамнан артық тәрбиеші.

Автор: Әсел Малік
Қара Питер кім еді?
Қара Питер кім еді?

Детективтің өмірі - ізденіспен өтетіні белгілі.

Автор: Әсел Малік

Соңғы аудармалар

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман оқиға Аударма: Темірлан Бредин, Айза Берікболова Дыбыстаған:...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...

Red Velvet - Rookie [kaz_sub]
Red Velvet - Rookie [kaz_sub]

Оңтүстік кореялық "Red Velvet" қыздар тобының жаңа жұмысын қабыл алыңыздар. 2014 жылы құрылған топ сәтті жұмыс істеп келеді. Аталған әнге түсірілген бейнебаян да ашық...