Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Бойжеткен / Сән / Көзілдірікті дұрыс таңдаңыз

Көзілдірікті дұрыс таңдаңыз

Көзілдірікті дұрыс таңдаңыз

Көп ұзамай-ақ, көктемнің жаңбырлы күндері өз мәресіне жетіп, сағындырған жаздың жайдарлы да  шуақты күндері төрімізден орын алмақ. Шуақты күндер... Ал сіздің күннен қорғайтын көзілдірігіңіз дайын ба? Көзілдіріктерді қалай таңдау керек екендігіне басыңыз қатып жүрсе, төмендегі кеңестер сіздер үшін. Ескерте кетейік, көзілдірік таңдауға шаш қыстырғыш немесе шәліні таңдау секілді салғырт қарамаңыз. 

Бүгінде күннен қорғайтын көзілдіріктерді алу аса қиын мәселе емес, қаланың кез келген дүкеніне бас сұқсаңыз, жетіп жатыр. Маңыздысы, көзілдіріктің сізді әдемі етіп көрсетіп, көзіңізді күн сәулесінен жақсы қорғайтынын дұрыс таңдау.

 

Ең алдымен жасалған материал мен линзаның түсін анықтап алу керек. Сонымен, әйнек дұрыс па, пластик пе?

Әйнек ультракүлгін сәулелерінен қорғайтындығына кепілдік береді, пластикке қарағанда заттарды аздап қана бұрмалап, төменірек көрсетеді. Бірақ әйнекті линзалар қауіпсіз емес: кез келген жағдайда сынып қалып, көзіңізге зиянын тигізуі мүмкін. Пластикалық линзаларға қарағанда ауырлау болып келеді әрі терлетіп жібереді. Әйнекті линзалар балаларға арналмаған.

Пластикалық линзалар әйнекке қарағанда жеңіл әрі қауіпсіз. Бірақ пластик ультракүлгін сәулелерін жіберіп қояды да, көзге зиянын тигізеді. Арнайы химиялық ингредиентке ие, зиянды сәулелерді ұстап қалатын линзалар да болады. Мұндай көзілдіріктерді көшедегі лашықтардан немесе базарлардан алмаған жөн. Сапалы пластикалық линзаларды жасауда алдыңғы орында тұрған елдер қатарында Канада, Германия және Франция бар. Заманауи пластикалық линзалардың құрамына арнайы химиялық қоспалар қосылады. Ол қоспалар көзге ешқандай зиянның тимеуін қамтамасыз етеді. Олардың екі түрі болады: А және В. Сапалы көзілдіріктердің этикеткаларында: "Blocks at least 90% UVB and 60% UVA" деген жазу болады. Әрине сандары өзгертіліп жазылуы мүмкін. Сәуледен толық қорғауды қамтамасыз ететін көзілдіріктердің өлшемі - 400 нанометр.

Линзаның сапасын өзіңіз де анықтай аласыз. Көзілдірікті киіп көріп, немесе ұстап тұрып бір затты, немесе шүберекті үстелге қойып қарап көріңіз, таңдалған заттың құрылымы аздап қана бұрмаланса, линзаның жақсы болғаны.

Көзілдірік кішкентай және көзді толық жаппайтын болса, олар күн сәулесінен нашар қорғайды.

Линзаның түсі. Мамандардың айтуынша, көзді күннің зақымынан қорғау үшін қара­ сұр және қара-жасыл түсті көзілдірік дұрыс. Алғашқысы айналадағы түстерді шынайы етіп көрсетсе, екіншісі ультракүлгін және инфрақызыл сәулелерлен жақсы қорғайды. Көк линзалы көзілдірікті тақсаңыз, сізге тіптен ыңғайсыз болады, олар көзді күйдіріп жіберуі де мүмкін. Жүргізушілерге сұр және қызыл қоңыр линзалы көзіліктер дұрыс. Ал көз көру қабілеті нашар адамдарға сары түсті линзаларды ұсынамыз.

Стилистер аққұбаларға жиектемесі жасыл түсті көзілдірік сатып алуға кеңес береді. Өзіңізге шамалы еркіндік берсеңіз болады, мәселен, леопардтың немесе крокадилдың терісін еске түсіретін жиектемелі көзілдірік сатып алыңыз.

Қараторыларға керісінше, күміс түстес, сұр немесе алтын түстес жиектемелер жарасады.

Ал жиреншаштыларға күлгін түсті, ашық жасыл түсті, көгілдір түсті жиектемелер дұрыс болады.

Ал ақ шаштыларға жиектеменің кез келген түсі кете береді, тек сұр және сары түстерге шек қоямыз.

Төртбұрышты бетке дөңгелек пішінді, жіңішке металды жиектемелі көзілдірікті ұсынамыз.

Тікбұрышты бетке көлемді, кеңсірікті жалғастыратын ұзын жалғастырғышы бар, қара немесе қара-қызыл қоңыр жиекті  көзілдірік жарасымдырақ болады.

Үшбұрышты беттерге кеңсіріктен төменірек тағылатын, жіңішке металды жиектемеге ие сопақша пішінді, аса үлкен емес линзалы және ашық емес түсті көзілдірік сатып алыңыз дегіміз келеді. Бұл көзілдірікте кең маңдай мен ұзын иек шағынырақ болып көрінеді.

Сопақша пішінді беттерге кез келген көзілдірік жараса кетеді.

Дөңгелек пішінділерге жоғарыдағы тікбұрышты беттерге арналған көзілдіріктер бола береді, бірақ қара жиектісін таңдаңыз.

Сатып алғанда, назар аударыңыз:

  • Көзідірікті сатып алғанда, еш жерінің сырылмаған болуын қадағалаңыз.
  • Жиектерінің сапасына назар аударыңыз, тұтқасын олай бұлай қайта-қайта ашып тексеріңіз.
  • Кеңсірік тұсының қысып тұрмайтындығына көз жеткізіңіз.
  • Көзілдірікті киіп көргенде, көзіңізді ауыртып тұрған жоқ па, назар аударыңыз.
  • Қала жағдайына линзаның елу пайыздай қараңғы болғанын, ал таулы және жағалаулы аймақтарға алпыс пайыздан жоғары қараңғы болғанын қадағалаңыз.

Сурет: niceworld.biz, shop.mango.com.

3026 0
Рейтинг: +0

Дайындаған: Сания А
Қосылған күні: 10 сәуір 2012, 19:30
Пікірлер
+0
10 сәуір 2012, 21:46

әшки алғым келед өзіме, :D

+0
10 сәуір 2012, 22:21

бұл мезгілде біздің қалада көзілдіріксіз жүре алмайсың(шаң, желдің әсерінен) :x... осы мезгілде киетін көзілдірік алып қойдым, ал жазға көзілдірік алғанда бұл кеңестерді ескеремін ;) :idea:

+0
11 сәуір 2012, 19:06

қызылорда жақ па)))

+0
11 сәуір 2012, 21:43

иә, дәл өзі Қазақстанда басқа қалада біздегідей шаң жоқ шығар :(

+0
12 сәуір 2012, 08:49

:( ортақпын

+0
28 мамыр 2012, 09:48

Айтуынызга караганымда Кызылордада туратын сияктысыз

+1
11 сәуір 2012, 12:59

Осы бағасы қымбат көзілдіріктердің қарапайым базардағы көзілдіріктерден айырмасы онша жоқ сияқты. Тек біріншісінің фирменный болғаны болмаса.

+0
12 сәуір 2012, 00:47

мен полороид көзілдірігін сатамын! Анарка ссен дұрыс айтасын олардың еш айырмашылығы жоқ !!!!!!!!

+0
11 сәуір 2012, 14:48

ең бастысы көзілдіріктің жиегі бетке тиіп тұрмауы керек! бізде көп адамдар бетіне тиіп тұратын етіп алады да, күлгенде әшикелі бір метр жоғары көтеріліп тұрады, сондықтан кейбіреулер күле алмай тұрады :D

+0
12 сәуір 2012, 00:49

ия дұрыс айтасын! көзілдірікті кигенде күліп көру керек әрине

+0
11 сәуір 2012, 19:15

Қандай көзілдірік болсада бет-пішінге тура келетінін таңдау қажет ))

+0
11 сәуір 2012, 20:11

сіздікі кандай?

+0
11 сәуір 2012, 20:12

Менікі төртбұрышты тағы да ))) Қара )) Төртбұрышты жақсы көрем ))))

+0
11 сәуір 2012, 21:44

менде төртбұрыштыны ұнатам, менікі қоңыр төртбұрышты

+0
11 сәуір 2012, 22:08

менин мурным пұшық :oops: и озиме ынгайлы очки таппайм. маган донгелек пишиндеги очки унайды бирак таксам мурным пушык болган сон мурным коринбей калат :cry: маган кандай кенес бересиндер :geek:

+0
12 сәуір 2012, 10:28

Әркімнің тым болмаса бір көзілдірігі болған дұрыс!

+0
12 сәуір 2012, 17:34

POLOROID көзілдірігінің басқалардан айыпмашалығы жоқ емес, бар!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...