Оқи отырыңыз

Көркем сөз – көңіл тілі,
Жалаң сөз – зейін тілі.

Автор: Ахмет Байтұрсынұлы

— Редактор бағаны —

Массагет жастарды жұмысқа шақырады
Массагет жастарды жұмысқа шақырады

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Бойжеткен / Шаңырақ / Бір ауыз сөздің құдіреті

Бір ауыз сөздің құдіреті

Бір ауыз сөздің құдіреті

1989 жылы АҚШ-тың Лос-Анджелес қаласында сұрапыл жер сілкінісі болды. Төрт минутқа жетпейтін уақытта 300 мыңға жуық адам жараланды.

Жер сілкінісінде жараланған келіншегін қауіпсіз орынға жеткізген күйеуі жеті жасар ұлының мектебіне қарай тұра жүгірді. Бұрын балалардың шаттық күлкісі есіп тұратын үш қабаттық мектеп ғимараты әлдеқашан қирандыға айналған екен. Мұны көріп көзі қарауытқан әкесі: «Аманда, ұлым қайдасың?» деп айғай салды.

Әкесі жерге жүрелей кетіп, бір ауық өкіріп жылап алды да, есіне ұлына үнемі айтып отыратын: «Мен әрқашан қасыңнан табыламын!» деген бір ауыз сөзі түсті. Содан орнынан берік сеніммен атып тұрып, қирандыға қарай беттеді.

Ол қирандыларды аршып жатқан тұста басқа балалардың ата-аналары да дүркін-дүркін келіп: «Ұлым, қызым!» десіп, дауыс салып жылай бастаған-ды. Егіле жылаған жұрт үміттері үзіліп, бет-бетіне тарады, кейбіреулер оның қолынан тартып: «Қас қарайды, олар баяғыда өлген» деді.

Осынау әке қос жанарын басу айтқан адамдарға бұрып: «Кім маған қол ұшын береді?» деді. Бірақ ешкім де оған дәп басып жауап бермеді. Сол сәтте әкенің көкірегін тек: «Ұлым мені күтіп отыр!» деген ой ғана қалған еді.

Ол қирандыны 8 сағат, 12 сағат, 24 сағат, тіпті, 36 сағат қазды. Бет-аузын шаң-тозаң басып, көздері қанталап, киімдері тоз-тоз болып жыртылды.

Ол 38 сағат қазғанда, қирандының астынан: «Әке, бұл сізсіз бе?» деген дауыс естілді.

Ұлының дауысын бірден таныған әкесі бар дауысымен: «Аманда, қарғам-ау!» деп айғай салды.

«Әке, расында, сіз бе?»

«Менмін, әкеңмін, айналайын, ұлым!»

«Мен сыныптастарыма қорықпаңдар, менің әкем тірі болады екен, сөзсіз, мені және сендерді құтқарады дедім, өйткені, сіз «Мен әрқашан қасыңнан табыламын» деп қадағалап ескертіп отырушы едіңіз ғой».

«Ұлым, қалың қалай? Қасыңда қанша бала бар?»

«Мұнда 14 бала бар, бәрі де тірі, біз тамның бұрышында қалдық, үйдің төбесі үшбұрыш формасында құлады да, біз зақымдалмадық».

Әкесі жан-жағына қарап, бар дауысымен айғай салды: «Тез келіңдер, мына арада 14 бала тірі екен!»

Арлы-берлі қайшалысқан жұрт жапа-тармағай келіп көмектесті. Елу минуттан кейін қауіпсіз ауыз ашылды. Әкесінің дауысы дірілдеп шықты: «Аманда, бері шыға ғой!»

«Жоқ, әке, басқа сыныптастарым алдымен шықсын, мен сіздің менімен бірге боллатындығыңызға кәміл сенемін!»

Осынау әкелі-балалы екеуі, ақыры зор қиыншылықты бастарынан кешіріп, қауышып, бір-бірін тас қып құшақтады.

«Мен әрқашан қасыңнан табыламын» деген осы бір ауыз жай да қарапайым сөзде атом бомбасының күшіндей құдірет жатқан-ды. Шешуші сәтте осы бір ауыз сөзден рухани күш-қуат жалындап, үміт ұшқыны қаулайды. Апатпен айқасқанда, сарқылмас күш-қуат бағыштайды. Егер осы бір ауыз сөздің құдіреті болмаса, осынау әке де басқа ата-аналар сияқты: «Ұлым! Қызым!» деп жылап алғаннан кейін, үміті үзіліп жайына кетіп, 14 баланың тағдыры тығырыққа тірелген болар еді. Міне, біз осы әкенің өн-бойынан әке мейірінің құдіретін көре аламыз.

Бұл әңгіме бізге, жайшылықта, Аманданың әкесіне ұқсас достарымызға және отбасымыздағыларға жігерлендіретін бірер ауыз сөз айта жүруді ескертеді. «Қорықпа, жүректі бол, мен сенің қасыңдамын!», «Ештеңе етпейді, тағы бір рет сынап көр!», «Жарайсың, жақсы істе, бұл жолы сәтсіздікке ұшырасаң, келер жолы сөзсіз ұтып шығасың...». Міне, осындай қарапайым сөздерді айта жүру айтушы мен естушіге рухани дәнекер, орасан зор күш-қуат бағыштайды. Бұл бір ауыз сөздің осы әңгімедегі әкелі-балалыларға ұқсас күш-қуат дарытып, өзіңізге және отбасыңыздағылардың өмір жолына естен кетпес бір белгі қалдырары ғажап емес.

Дайындаған: Сұңқар Ақбоз

Сурет: mirobrazov.com

21073 3
Рейтинг: +1

Дайындаған: Meyirzhan Auelkhan
Қосылған күні: 03 мамыр 2013, 17:40
Пікірлер
+0
03 мамыр 2013, 18:07

Әсерлі оқиға екен, шынында, жақындарымызға жылы сөзді айта бермейтініміз, тіптен айту қажет деп білмейтініміз рас

+0
03 мамыр 2013, 20:44

Ия жақсы жазылған оқиға екен! Шыныменде, өсиет,жігерлендіретін, нақыл сөздерді ұмытпай, оны іске асыруға тырысайық! Ол әрқашан бізге көмектесіп қалуы мүмкін! Жай бір екі ауыз сөздің өзі адам өмірін өзгертуі мүмкін ғой! Тіпті, өзгерткен жағдайлары да болған...

+0
04 мамыр 2013, 15:59

біреуге жақсы жерін айтсаң дымыңды қоймай ұрсып тастайды,сосын ешкімге ештеңе айтпайтын болып бара жатырмын* :?

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо Джон Сок 

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...