Қыздың жігітке айтар кеңесі...

06 қаңтар 2013, 17:28

lovestruck.com сайты 3000 бойжеткеннен жігітке айтар ақыл-кеңесін жинапты. Зерттеуді жүргізген Кейт Басмэнның жариялаған кеңестер тізімін оқып көрейік...

Жігіттің мақсат-мүддесі қызды еліктіреді. Жеке мақсаттарың мен армандарыңа жету үшін қызыңмен бірлесу керек.
Егер қыз сені мақтаса өзің туралы 20 минут сөйлесіп тұрып алма. Жүзіне қара да, оның да өте әдемі екенін әрі көңілді екенін айт.
Егер қызбен әңгімелесуің тым сылбыр тартса, дереу оған қызықты әңгіме немесе әзіл айт. Тіпті жеке құпияңмен де бөліссең болады. Бастысы діңгектей боп, тұрып алма!
Оны таңғалдырамын деп, әуреленудің қажеті жоқ. Егер қызыңды қай мейрамханаға апаруды, оған қандай сыйлық алуды үлкен мәселе етіп, қобалжысаң қыз мұның бәрін де біліп қояды. Басында соншалықты уайымдап жүргенің ол үшін құрмет болып көрінсе, кейіннен оның мазасы кететін болады.
Маңызды күндерді, жаңалықтарды және Оның нені ұнататындығын есте сақтау. Қызға ең бірінші сөз салған күнің, сол кезде ол қандай күйде, қандай киімде, оқиға қай жерде болғанын білуің керек. Оның қандай гүлді ұнататынын, қай фильмді қайталап көретінін, қай әнді құлаққаптан тастамайтынын білуің өзіңе жақсы. Жалпы әлемді танып, энциклопедиялық білімің болса әйелмен қай тақырыпта болса да сөйлесе аласың.
Өзіңді түзе. Жігіт таза әрі сәнді киінуі тиіс. Әрқашан да өзіңнің түр-сипатың қандай болып тұрғанын қарап жүр.
Айғайлап сөйлеме. Оған қаратыла жуан дауыспен айтылған сөздің бәрі де жүрегіне тиетінін ұмытпа.
Өзіңнің әлсіз тұстарыңды мойында. Ашық сөйлесу керек, бұл ісің оның алдындағы еркектігің мен салмақты екеніңді көрсетеді.
Әлеуметтік желілердегі әрекеттеріңді «жуып» отыр. Қыздар қазірде жігіттерді интернеттегі әрекеттері арқылы бағалайды. Ардан төмен әзілдер мен қалған «керім» суреттерің оған әсте ұнамайды...
Мақтанба әрі жақсылығыңа міндет қылма. Қыздар сенің мықты екеніңді, орнымен айтқан мақтаныңды естісе көңілі көтеріледі. Бірақ ерлігіңді айту барысында оқиғаны сенімсіз етіп, асыра мақтанба.
Тәуекелге барудан қорықпа. Қызбен бірінші кездесуің бітпей жатып-ақ екінші кездесуге де келгің келетінін айтуға жүрексінбе. Бірақ бұл сөздерді қысылып, ұялып айтуға болмайды.
Айтуға болмайды. Оған ешқашан да бұрынғы қыздарың туралы немесе қанша айлық алатыныңды айтпа.
Бірінші кездесуде өзің туралы барлық сырыңды айтпа. Өмір кезеңдерің туралы кейбір сырларың туралы қыз өзі ойлансын. Бірден ашылып кету қате. Бойжеткен жалығуы да ықтимал.
Кездесуден кейін міндетті түрде хабарлас. Хат жаз, телефон соқ, әлеуметтік желі арқылы көп әңгіме айт.
Жалпақтамай, өтіріксіз ойыңды айт. Егер бұрынғы өмірің мен бірге болған қыз туралы сұрақ болса өтірік айтпа.
Оның жалықтыратын қасиеттері барын ешқашан айтпа. Хабарласып, әзіл айтып, бауырыңа тарт.