Адамшылық

3000 жыл. Ол ақырын басып кісі қасиеттері банкының табалдырығын аттады.

- Мен адамшылығымды банкке қояйын деп келдім.

- Уақыты?

- 30 жыл.

«Ұстараның жүзіндей аударылған дүние-ай» десеңші... Көзді ашып-жұмғанша әлгі уақыт та өте шықты. Ол адамшылығын алуға барды. Былғанбаған. Қуанышында шек жоқ.

Операция бөлімінен шығып есін жиған шақта, оның басына түрлі-түрлі ой келді. Бірақ, кісілік қасиетті бойға сіңіру операциясы сәтсіз аяқталғанын ол білген жоқ. Тек ауру тарихы кітапшасына мынадай сөздер жазылды: ағза кері реакция бергені себепті, тән адамшылықты қабылдамады.

Аударған: М.Жошы

"English Square" журналынан