Батыс Еуропа-Батыс Қытай автожолы қанша облыстан өтеді?

Қазақстанның қанша облысынан өтеді?

Батыс Еуропа-Батыс Қытай автомагистралі – жалпы ұзындығы 8445, ал біздің шекара ішінде 2787 шақырымға созылып, Қазақстанның 5 бірдей облысын кесіп өтетін айрықша маңызға ие халықаралық транзиттік автожол. Бүгінде ол – кәрі құрлықтың екі бөлігін бір-бірімен тығыз байланыстырып тұрған алтын көпір. Нөпір халықтың пайдасына асқан автожолды бүгінгінің еншісіне жазу да қателік болар. Өйткені, дәл осы бағытта б.з.б ІІ ғасырдан бастап қазақ жеріне өркениет пен мәдени тұрмысты ала келген Ұлы Жібек жолының керуендері қатынаған. Қытайдың Хан патшалығы тұсында елден жібек өнімдерін артқан қытай саудагерлері жол-жөнекей Орталық Азияның, Батыстың халқымен байланыс орнатып, өз елдеріне қайтарында барған жерлерінің тауарлары және музыкасы сияқты алуан түрлі мәдениетті алып қайтқан. Алты қырдың арғы жағындағы халықпен байланысу арқылы сол заманғы тұрмыс, түрлі сала, мәдениеттің көші дәл осы Ұлы Жібек жолының керуендеріндей алға жылжи бастады.

Толығырақ: https://massaget.kz/layfstayl/alemtanu/ ... nym/51729/