Суық тигізіп алсаңыз...

Егер сізге суық тиіп, дене қызуыңыз көтерілсе, міндетті түрде терлеуіңіз керек. Ол үшін басым көпшілігіміз аспирин, парацетоамол немесе басқа да дәрі-дәрмектердің көмегіне жүгінеміз. Ал біз бүгін сіздерге өсімдіктермен тер шығарудың жолын ұсынғымыз келіп отыр.
Кептірілген таңқурай жемісінен тұнба жасап ішіңіз. Жарты стақан жемістің үстіне қайнаған су құйып, 20 минут өткен соң іше беруіңізге болады.

Жөке гүлінің тұнбасы: гүлдің бір шай қасығын суға салып қайнатып, 30 минутқа қалдырыңыз. Түнбаны күніне 2-3 рет немесе ұйықтар алдында бір рет тұтыныңыз.

Тер шығарғыш тұнба №1. Таңқурай жемісі мен жөке ағашының жапырағын қосып, қайнатыңыз. Болған соң салқындағанын күтіп, 3-4 күнде ½ стақаннан ішіңіз.
Тер шығарғыш тұнба №2. Жөке гүлі мен өгейшөп жапырағын араластырып, бір стақан су құйып қайнатыңыз. 20 минут өткен соң жылы шай ішкендей ішіңіз.

2 грамм камфораны 100 мл спиртпен араластырып, оған 250 мл сірке суын құйып, ұйықтар алдында осы қоспамен арқаңызды, кеудеңізді сүртіп жатыңыз.