Міне қызық: Виртуалды ақиқат (ВА) #2

Міне қызық: Виртуалды ақиқат (ВА) #2
жеке
блог

Виртуалды ақиқат (ВА) компьютерлердің көмегімен мүлде басқа кеңістікте болу иллюзиясын жасайды. ВА жасанды бейнелер мен дыбыстар арқылы сезім мүшелерін елітіп, мұның шын болып жатқан тәжірибе екеніне миды сендіреді. Пайдаланушы арнайы ұсақ бұдырлары бар қолғап киеді, сол арқылы адам расында да виртуалды нысандарды көріп, сезіне алады.

Дәрігерлерді дайындау. Ауруханаларда хирург-практиканттар емделушілерге зиян келтірместен, компьютер мониторларында виртуалды операциялар жүргізеді.

                          Хирург операция жасалатын пациенттің басының виртуалды бейнесін қарауда.

Әскерилер. Әскерилер солдаттың өмірін ешқандай қауіп-қатерге тартпастан, қауіпті соғыс көрінністерін имитациялау үшін виртуалды шынайылықты пайдаланады.

                Сарбаздар нағыз шайқасқа дайындалу үстінде виртуалды ұрыс майданында шайқасуда.

Ұшуды имитациялау (ұқсату). Ұшқыштар ұшу имитаторларында жаттығулар өткізеді, бұл ауани шынайылықтың ең алғашқы түрлерінің бірі. Ұшқыш ұшақтағыдан айнытпай жасалған кабинада отырып, компьютер беретін сыртқы әлемнің бейнелерін көреді. Имитатордағы басқару тетіктері (иінтіректері) нағыз ұшақтағыдай дәлме-дәл жұмыс істейді.

                      Ұшу имитаторы (ұқсатқышы). ВА көмегімен ұшқыш жолаушылардың өміріне қауіп                                                                    келтірместен ұшуға үйрене алады.

Ғарышты зерттеу. Америкалық НАСА ғарыш агенттігі ең соңғы екі "Спирит" және "Оппортьюнити" марсоходтарын Марсқа ұшырудың алдында, марсоходты құрауға көмектесу үшін виртуалды шынайылықты қолданады. Астронавтар да ғарыш миссияларын орындауға дайындалу үшін ВА-ны пайдаланады.

                           Марсоход. Инженер қызыл ғаламшардың жартасты бетімен марсоходтың навигация  

                                 проблемаларын түсіну үшін виртуалды шынайылықты пайдаланады.

Пайдаланылған әдебиет: "Балалардың жаңа энциклопедиясы" ("Алматыкітап" баспасы)

Дайындаған: Атаханов Бөріхан