Оқи отырыңыз

Ынта болса адамда, қиын іс жоқ ғаламда.

— Редактор бағаны —

"Бақыт хаты" шынымен де бақыт әкеле ме?

Автор: Ербол Жұмабайұлы

Статус: Massaget.Kz порталының контент-менеджері

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Блогтар / Таза ауамен тыныстағыңыз келсе...

Таза ауамен тыныстағыңыз келсе...

Таза  ауамен тыныстағыңыз  келсе...

 

            Бөлме гүлдерін таңдарда олардың тек әдемілігіне ғана емес, сонымен қатар үйдің ауасын тазартудағы маңызына да назар аударған жөн. Ауаны шаңнан, микробтар мен токсиндерден тазартатын, жихаздардан бөлінетін формальдегид, фенол сияқты улы заттарға, жылу құбырлары мен көгілдір газдан шығатын ксиллен, трихлорэтилен, бензол тәрізді денсаулыққа зиянды газ бен ауыр металдарға қарсы қауқары бар гүлдерді өсірген абзал. Барлық гүлдерде осы қасиет белгілі бір дәрежеде болады.

         Біз сіздерге күтімі жеңіл әрі жоғары дәрежеде бөлменің  ауасын тазартатын  бес түрлі бөлме гүлін өсіруге кеңес береміз.


            1. Хлорофитум – бөлменің ауасын тазартуда ең басты орын алатын ғажайып гүл. Ол оттегі, фитонцид бөлуімен бірге, ауадағы зиянды бактериаларды жояды. 10-12 шаршы метрлік ас бөлмесінде  газ окисі мен жағымсыз иістерді керемет деген ауа тазалағыш құралдардан жақсы әрі тиімді тазалайды.  Антибактериялық қасиеттері жоғары болғандығынан болар, хлорофитум ешқашан зиянкестермен зақымданып ауырмайды. Күтімі, көбейтілуі өте жеңіл. Хлорофитум бізге осындай пайдалы қызмет жасауы үшін, жапырақтарына күнделікті су бүркіп ылғалдандырып әрі шаңнан тазартып тұру керек. Суды топырағын  кептіріңкіреп  барып, молынан суғару керек.  Алакөлеңкеде өседі. Мұртшаларының ұшындағы  балапандарын ылғалды топыраққа батырыңқырап қадап қойса, тез тамырланып кетеді.


            2.Фикус. Фитонцидтік қабілеті өте жоғары. Ауаны токсиндерден жақсы тазартады, сондықтан да оны ас бөлмеге немесе терезесі автокөліктер көп жүретін жол жаққа қараған бөлмеге қойған  дұрыс.  Жапырақтары ауадағы зиянды заттарды, шаңды бойына сіңіріп алуымен бірге бөлмені ылғалдандыра  алатындығымен ерекше бағалы. Ол бізге жақсы қызмет етуі үшін күнделікті  су бүркіп немесе жұмсақ матамен жуып, сүртіп жапырақтарын таза ұстау керек. Үлкен, жылтыр, жалпақ жапырақтары еш қиындықсыз жуып, сүрткенге ыңғайлы. Күннің көзі тік түспейтін жарық немесе алакөлеңке жерде жақсы өседі. Суды  топырағын кептіріңкіретіп барып, молынан суғару керек. Қыста күнделікті су  бүркіп тұрған жағдайда,  айына бір рет суғарса жетеді.


            3. Қазтамақты  жатын бөлмеге орналастырған жөн. Одан бөлініп шығатын  пайдалы  қоспалар  мазасыздықты жеңуге көмектеседі. Ауаны стафилококк, стрептококк бактерияларынан залалсыздандырады. Оны тексеру үшін ғалымдар  стафилококк бактериясының 1-2 тамшысын  қазтмақтың жапырағына  тамызғанда, үш сағатта бактериялар өліп қалған. Сонымен қатар шыбын-шіркейлер қазтамақ бар жерден қашады. Бөлмені жаман  иістерден тазартады. Сондықтан ас бөлмеге де қазтамақтың пайдасы зор. Күтімі жеңіл. Жарықсүйгіш. Жазда молынан, қыста суғаруды азайтады.  Күшті бактерицидтік қасиетінің арқасында, аурулар мен зиянкестерге ұшырамайды.


            4. Дәмжапырақ    мәңгіжасыл   бұталы өсімдік. Жапырағының   құрамындағы эфир майының    иісі    адамдардың  көңіл-күйі   көтеріңкі   болуына  әсер  етеді. Дәмжапырақтың антисептік, бактерицидтік, вирусқа қарсы қасиеттері инфекциялы тыныс ауруларына қарсы көмектеседі. Тәбет ашатын қасиеті үшін, жапырақтарын тағамға қосады. Күтімі жеңіл, шыдамды, ауруларға шалдыға бермейді. Ағаш секілді үлкен болып кететіндіктен, сабақтарын кесіп, бойының биіктігін белгілі бір қалыпта ұстап тұруға болады.


            5. Жүзжылдық. Түнде оттегін бөліп, көмірқышқыл газын сіңіреді, сондықтан оны жатын бөлмеге орналастырған абзал. Ауадағы зиянды бактерияларды жүзжылдық бөлетін фитонцидтер, сарымсақтың бөлетін фитонцидтерінен қарағанда тезірек жойып, бөлме атмосферасын тез арада  залалсыздандырады. Шырынында бактерицидтік қасиет жоғары  болғандықтан, медицинада үлкен қолданыста. Күтімі өте жеңіл. Суккулентке жататындықтан, артық суғарғаннан шіріп кету қаупі бар.

 

 

 

 

 



15450 12
Рейтинг: +0

Жазылған уақыты: 12 қаңтар 2012, 19:28
Тегтер: өсімдік, гүл, бөлме гүлі, хлорофитум, жүзжылдық, алоэ, дәмжапырақ, лавр жапырағы, фикус, қазтамақ, герань, күтімі жеңіл гүл, әдемі гүл, үй гүлі, гүл өсіру, пайдалы кеңес, емдік қасиеті мол гүлдер
Пікірлер
+0
12 қаңтар 2012, 19:41

Дәмжапырақты тамаққа қосуға болады екен. қызық. Негізі, бөлме гүлдері керемет сыйлық.

+0
12 қаңтар 2012, 21:20

Дұрыс айтасыз, Қайыржан дәмжапырақты тағамға қосуға болады. Дәмжапырақ көптеген ауруларға ем, әрі күтімі жеңіл, ауруларға көп шалдыға бермейді. Сондықтан, барлықтарыңызға дәмжапырақты өсіруге кеңес береміз.

+0
12 қаңтар 2012, 19:56

Ммм!!! Гүл өсірген маған қатты ұнайды ғой. Дұрыс айтасың Қайыржан. Бөлме гүлдері мен үшін де керемет сыйлық! Жалпы көп гүлдерді өсіріп жүрмін. Бірақ солардың аттарын білмейді екем. Осы мақаладан біліп жатырмын таныс гүлдерімнің аттарын. Рахмет сіздерге!

+0
13 қаңтар 2012, 16:30

Сіздерге де үлкен рахмет! Біздің журналмен бірге болыңыздар!
Бөлме гүлдерін сыйлау - өте орынды. Соңғы кездері түбектегі гүлді сыйлау дәстүрге айналуда. Бұл жақсы үрдіс. Сондықтан, гүл өсірейік, оны жұлмайық, түбекте өсіп тұрған гүлді сыйлайық!

+0
12 қаңтар 2012, 20:12

күшті! ақпаратқа рахмет!

+0
12 қаңтар 2012, 21:07

Рахмет, Сания! Алдағы уақытта мүмкіндігінше, көбірек ақпарат беруге тырысамыз.

+0
12 қаңтар 2012, 22:46

адемi гулдер екен!)))

+0
13 қаңтар 2012, 16:14

Бұл әдемі гүлдердің барлығын да өзіміз түсіргенбіз. Ғаламтордан еш сурет алмаймыз. Барлығы да өзімізде өседі, қалғандарын жылыжайдан немесе таудан түсіреміз. Бөлме гүлдері жайлы толық мәліметті журналдың 2010 жылғы желтоқсандағы санынан оқи аласыз.

+0
12 қаңтар 2012, 22:51

Мен дәмжапырақты білмейді екем, қалғандары таныс. Тек анау соңғы өсімдік алоэ ма? Рахмет, қыздарға не жігіттерге сыйға тартуға болатын гүлдер туралы ақпарат болса. :)))

+0
13 қаңтар 2012, 10:50

Ақнұржан, үнемі "Гүлстанға" өз тілектеріңді білдіріп, тапсырма беріп отырасың. Күріштің арқасында күрмекте су ішеді. Біз де сенің және Назираның арқасында пайдалы ақпаратқа қанығып жатырмыз. )))Алла разы болсын!

+0
13 қаңтар 2012, 16:18

Жазира, Ақнұр үлкен сіздерге рахмет! Өсімдіктер туралы толығырақ ақпарат білгілеріңіз келсе, журналды алуларыңызға болады. Сонымен қатар, біздің ресми сайтымыз бар. http://www.gulstan.kz/

+0
13 қаңтар 2012, 16:25

Дәмжапырақ сіздердің "лавр" жапырағы деп жүрген өсімдіктеріңіз.
Иә, соңғы суреттегі алоэ, қазақшасы жүзжылдық. Енді, қазақшасын біліп жүретін болдыңыз. Біздің журналдың басты ерекшелігі сол: біз көптеген өсімдікті қазақ және латын тіліндегі атауын үйрете отырып, ақпарат береміз.
Жақсы, келесі посттарда міндетті түрде гүл сыйлау этикасы жайлы жазатын боламыз. Ұсынысыңызға рахмет!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Ағылшынға алғашқы қадам (байқау)
Ағылшынға алғашқы қадам (байқау)

Менімен бірге ағылшын курсына барайық!

Алғашқы мәзірім де дайын болды! (байқау)
Алғашқы мәзірім де дайын болды! (байқау)

Астарыңыз дәмді болсын!

Автор: Asem ZHoldasova
Денсаулыққа пайдалы рецепттер ТОП-10  (байқау)
Денсаулыққа пайдалы рецепттер ТОП-10 (байқау)

Денсаулық – баға жетпес асыл дүние...

Күле отырайық!
Күле отырайық!

Күлейікші,әрқашан күлейікші.. Бұл дүниенің қадірін білейікші.. Әр күн сайын...

Сырға толы табиғат! (байқауға)
Сырға толы табиғат! (байқауға)

Мақсатымды орындау үшін Алматыдағы Түрген тауына бардым.

Кітап деген өмір менен өнеге (байқау)
Кітап деген өмір менен өнеге (байқау)

Шетелдіктерді қызықтыратын қазақтың басты құндылығы...


Соңғы аудармалар

Yoseop (B2ST) - Caffeine [қазақша субтитрмен]
Yoseop (B2ST) - Caffeine [қазақша субтитрмен]

Ян Ё Соб — оңтүстік кореялық әнші, BEAST к-поп тобының бас вокалисі. "Caffeine" әнін қазақша субтитрмен ұсынып отырмыз.  

"EXO тобының әнін бірге аударайық" байқауының қорытындысы

Сүйікті қолданушыларымызға арнап 1 апта бұрын "EXO тобының әнін бірге аударайық!" атты шағын байқау ұйымдастырған едік. Бүгін байқаудың...

Байқау! EXO тобының әнін бірге аударайық! Жеңімпазға сыйлық бар!
Байқау! EXO тобының әнін бірге аударайық! Жеңімпазға сыйлық бар!

Құрметті де сүйікті қолданушылар! Шетел әндері мен бейнебаянын ана тілімізге аудару – өте қызықты да пайдалы іс. Өйткені кез келген әнді қазақшаға аудару...