SMM және SMM-стратегия дегеніміз не?

 SMM және SMM-стратегия дегеніміз не?
жеке
блог

 

SMM (Social Media Marketing) – әлеуметтік желілер (Facebook, Twitter, Google+ және т.б.) мен басқа да блогплатформалар (yvision.kz, kerekinfo.kz және т.б) арқылы компанияның немесе жеке тұлғаның брендін қалыптастыру, өнімнің немесе қызметтің сату көлемін ұлғайту.

 

SMM-маман болу үшін қандай дағдыға ие болу керек?

 

SMM-маман бүкіл әлеуметтік желіде тіркелу – тек қана аккаунт ашып қана қоймай, ол жерлерде белсенділік көрсетуі және әлеуметтік желілердегі әр түрлі сауалнама, байқау, шара ұйымдастыруда тәжірибесі болу;

Мәтінмен жұмыс істей алу қажет – сауатты жазып, сатушы мәтіндер жасау, сайт, жеке блог жүргізу, көркем әдебиет оқу, интернеттегі контенттің ерекшеліктерін білу;

Сараптамалық қабілет – компания немесе ұйымға пайда келтіру, абырой әкелу жолдарын білу, экономикалық және статистикалық білім болу керек, Excel-де жоспар құрып, есеп-қисапты жақсы меңгергені абзал;

Жарнама және маркетинг – тиімді хабарламалар таратып, тұтынушылардың психологиясын түсіну және аудиторияны ойната алу қабілетіне ие болу;

Соңғы трендтер мен технологиялардан хабардар болу – барлық интернет ресурстарды қолданып, трендтің даму қарқынына қарай бағыт қолдана білгені жөн;

Шығармашыл, креатившіл – қызықты һәм жаңа идеялар ойлап, оны дамытудың креативті тәсілдерін меңгеру және майн-карталар, Гантт чарттар арқылы жүйелеп, жоспарлай алу қажет.

SMM жүргізу 1 күннің немесе 1 айдың жұмысы емес, кемінде 6 ай немесе 1 жылдық стратегия жасалады. 

 

SMM-стратегияны кімдерге жасауға болады?

 

-  Жеке тұлғаларға (әншілерге, жазушыларға, әкімдерге, жалпы өзін жұлдызбын дейтін кез келген адамға);

 

-  Компанияларға (мұнай-газ компанияларына, телеарналарға, жеке оқу орындарына және т.б);

 

-  Мемлекеттік ұйымдарға (әкімдіктерге, министрліктерге және т.б.)

 

SMM-стратегия компанияға немесе тұлғаға не береді?

 

Ақпараттық активтердің артуы (компания, тұлға жайлы пайдалы да, қызықты ақпарат көбейеді);

Сату көлемінің ұлғаюы (мемлекеттік ұйым болса, абыройы артады);

Танымалдылық;

Компания құнының көтерілуі (мемлекеттік ұйым болса, жұмысы ілгері жүреді, ал тұлғаның халыққа көрсететін қызметінің бағасы артады);

Брендтің қалыптасуы жоғарылайды.