Дзюдоның жаңа ережелері

Дзюдоның жаңа ережелері
жеке
блог

Халықаралық дзюдо федерациясы дзюдоның жаңа ережелерін шығарды

Бұл алдағы олимпиада циклінде жүзеге асырылатын болады. Ережені өзгертудегі басты мақсат — дзюдо шарттарын xалыққа оңай түсіндіру. Халықаралық деңгейдегі тестілеуден өткізу уақыты 2017 жылдың қаңтарынан басталып, тамыз-қыркүйек айларындағы Будапештте өтетін әлем чемпионатынан кейін аяқталмақ.

Жаңа ережелер мынадай болмақ: 
— Ерлер мен әйелдер бәсекесіндегі белдесу уақыты — төрт минут; 
— Енді дзюдода тек вадзари және иппон болады. Бұрынғыдай юко деген ұпай болмайды. Юко әдісі вадзаримен теңестірілді. Екі вадзари бұрын иппон болатын, енді екі вадзари иппонға теңестірілмейді. Бұрын төрт шидо (ескерту) алған балуанға жеңіліс жазылатын. Енді жаңа ереже бойынша үш шидо алған балуан жеңілген болып есептеледі. Екі рет аяқтан ұстаса Hansoku Make, яғни бірден жеңіліс. Балуан 45 секунд ішінде шабуыл жасамаса шидо. Күрес уақыты — 4 минут; 
— «Алтын ұпай». Егер ұпай жоқ болса немесе тең болған жағдайда, белдесу «Алтын ұпайға» (Golden Score) жалғасады. Негізгі уақытта иеленген әрбір ұпай мен айыптар таблода қалмақ. «Алтын ұпай» шешімі жиналған ұпай мен шидо көрсеткіштері арқылы анықталатын болады; 
Қазіргі уақытта «Шидо» саны үшеу. Сондықтан, үшіншісі «Хансоку» жасауға мүмкіндік береді; 
— «Кумиката» айыпты талап етпейді; 
— Толықтай қорғанысқа көшкен жағдайда «шидо» көрсетілмек; 
Аяқтан немесе шалбардан ұстаған дзюдошы, алдымен»шидомен» жазаланса», артынша «Хансоку» жасауға мүмкіндік алмақ;

Сондай-ақ, комитет қауіпсіздік жағын қатаң түрде қолға алғандай. Яғни, жарақаттың неғұрлым азайғанын басты мақсат тұтуда. Сол себепті дзюдошының күрес барысында бас, мойын және желкеге қауіп тудырған жағдайда жазаға тартылатын болады. 
— Жасөспірімдер арасындағы әлем чемпионатының жүлдегерлері үлкендер рейтингінде ұпай жинайтын болады;

Бұл өзгерістердің нақты құжаттары ағымдағы жылдың соңына дейін жасалып бітпек. Одан бөлек, бұл шешімдер Халықаралық Олимпиада комитетінің қарауынан өтеді.