Көктемнің үздік 10 косметикасы

11 сәуір 2014, 17:23

Көктем мезгілінде жер беті жаңарып қоймай, косметика дүкендерінде де өзгеріс басталады. Сөрелерге визажист мамандар ұсынған брендтер қойылады. Назарларыңызға таңдаулы деген көктемгі 10 топтаманы ұсынамыз.

Bobby Brown "Nectar and Nude" макияжға арналған көктемгі топтамасын ұсынды. Оның таныстырушысы - Кэти Холмс. Қабаққа арналған 6 түрлі бояу жаңа образ табуға көмектеседі.

Givenchy сән үйінің мамандары "Over Rose" атты алқызыл түсті косметиканы таныстырды. Ерінге арналған "Prismissime Euphoric Pink" далабын ерекше атап өтуіміз керек.

Атақты Dior топтамасын Мария Антуанетта ұсынды. Бұл жолы макияжға арналған топтама Trianon деп аталады. Құрамында 3 түсті қабақ бояуы, қанық қара түсті подводка және алқызыл түсті еңлігі бар.

Әдеттегідей Guerlain брендінің макияжға арналған "Météorites Blossom" топтамасын Наталья Водянова таныстырды. Аталған бренд косметиканың түсін ғана өзгертіп қоймай, сыртқы пішіндеріне де өзгеріс енгізді. Күміс түсті қобдишаның сыртынан нәзік гүлдерге орын табылды. Ал ең басты жаңалықтары алқызыл және сарғыш түсті еңлік болды.

Chanel ұсынған "Notes de Printemps" топтама косметикасының түстері мүлдем өзгеше. Бұл жолы оның құрамына ерінге арналған далап, тырнақ бояуы және бет терісі түсін өзгертуге арналған косметикалар кірді. Крем қосылған Le Blush Crème De Chanel еңлігінің ерекше сұранысқа ие болып жатқандығын атап өтуіміз қажет.

Америка «Clinique» маркалы косметикасының топтамасы «New In Bloom» деп аталады. Осы топтаманың ішіне кіретін «Cheek Pop» еңлігінің төрт түсі бар. Жібектей нәзік құрамының арқасында біркелкі түсті қамтамасыз етеді.

«Lancome» ұсынған «French Ballerina» топтамасын бүгінгінің ханшайымы Лили Коллинз таныстырды. Жарнама күлгін түсті лентасымен ерекшеленеді. «Must-have» топтамасының құрамына 5 түстен құралатын «Doll Eyes Hypnose Palette» қабақ бояуы кіреді. Оны күндізгі және кешкі «smokey-eyes» стиліндегі макияжға да қолдануға болады.

«Clarins» бренді жадыраған көктемді «Opalescence» топтамасымен бірге қарсы алуды ұсынады. «Opalescence Face&Blush Powder» косметикасын опа, еңлік және бронзер ретінде пайдалануға болады. Бұдан өзге жарқырауық қабақ бояуы, еңліктің бірнеше түсі, далап және хайлайтер бар.

Атақты жұлдыздарға макияж жасап жүрген визажист Лора Мерсье көктемдік топтамасын «Renaissance» деп атады. Лора да өзгелері секілді алқызыл түсті көбірек пайдаланды. «Metallic Crème Eye Color» аталатын қабақ бояуы суға төзімділігімен ерекшеленеді.