Қола жүлде Дәулетке бұйырмады

 Қола жүлде Дәулетке бұйырмады

Қазақстандық балуанымыз Дәулет Шабанбай қола жүлдені ресейлік спортшыға беріп қойды.

120 келі салмақта өнер көрсететін балуан жігіт қола жүлде үшін таласта Ресейден келген Билял Маховқа 1:2 есебімен есе жіберді. Белдесуге тоқтала кететін болсақ, бірінші бөлік ресейліктің пайдасына  5:0 есебімен аяқталса, екінші бөлікте отандық спортшымыз кеткен есені қайтара алды - 3:0. Алайда, шешуші екі минуттықта Махов жігерлірек қимылдап, нәтижесінде 3:0 есебімен қола жүлдені қанжығасына байлап кетті. 

Естеріңізге салсақ, Дәулет Шабанбай 1/8 финалда румын балуаны Даниэл Чинтоанды қабылдап, 6:5 есебімен жеңіске жетсе, 1/4 финалда Грузия елінің өкілі Давид Модзманашвилиге 0:5 есебімен жеңіліп қалған болатын. Және қосалқы раундта Мексикадан келген Флорес Руисті жеңген еді (8:0).

Сурет:vesti.kz

Дайындаған: Фараби Бақыт

Ж. FM