Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Арнайы жобалар / Бізге 1 жыл! / Кәдірбек Демесін: "Тамаша" тың дүние сыйлайды

Кәдірбек Демесін: "Тамаша" тың дүние сыйлайды

Кәдірбек Демесін:

Қазақстанның еңбек сіңірген әртісі, Ғабит Мүсірепов атындағы балалар мен жасөспірімдер театрының әртісі, қазақ сатирасының қарашаңырағы – «Тамаша» әзіл-оспақ театрының актері Кәдірбек Демесін Massaget.kz порталын 1 жылдығымен құттықтайды. Ардагер актерден алынған сұхбатты ұсынамыз.

- Басты жаңалықтарыңыз "Тамашаның" концерті жайлы естіп қалдық...

- Иә, Бүгін Республика сарайында сағат 18.30-да «Тамаша» әзіл-оспақ театрының концерті болады. «Тамаша» театры туралы айтылып та, жазылып та жүр. Ал бұл концерттің ерекшелігі бүгін «Тамашаға» 34 жыл толып отырғандығында. Толысқан нағыз жігіттің жасы емес пе! Сонау 1978 жылы «Қазақстан» телеарнасының ішінен жәй ғана хабар болып ашылған еді. Ал кейін үлкен әзіл-оспақ отауына айналды. Бұл елімізде тұңғыш әрі №1 театры болып құрылған. Алғашқы түп-қазығын қағып, іргесін қалаған азаматтарымыз бар. Олар бас режисеріміз, марқұм Лұқпан Есенов, одан кейін қазір Атырау қаласында қызметте Қойшығұл Жылқышиев деген ағамыз. Сосын қазақтың маңдайына біткен екі атақты актері бар: Тұңғышбай Жаманқұлов пен Құдайберген Сұлтанбаев. Біртіндеп, құрамы кеңейіп, халықтың қуанышына бөленіп келеді.

- Әзіл түбі зіл дейді ғой, қоғамның айнасын көрсеткен театрдың жаңа бағдарламасы қандай?

- Құпиямды ашпаймын. Театрда көрерсіз. Жалпы халықтың алдында бірталай борышын атқарған театр ғой. Өмірде болып жатқан небір жағдайларды сынның тезіне алып, сатира тілімен жеткізе білген бірден бір ұйым. Біле білсек, «Тамаша» - қазақтың ұлттық бренді. Қарап жүрмей ойналатын дүниеге өмірдің өзінен материал жинадық. Айтылатын тақырыптарымыз көп. Оның ішінде теледидардан беріліп жатқан сан мың түрік телехикаялары, нарық заманында бағаның өсуі, ән де, күй де өз алдына әзіл ретінде мәселе болып көтеріледі.

- «Тамашаны» көбіне ересек адамдар көреді. Жастардың қызығушылығын көтеру үшін не істеуіміз керек?

- Жастардың қызығушылығын өз басым аса байқай алмай жүрмін. Соңғы 10 жылдың көлемінде жастар өте аз келеді бізге. Ал біз өз кезегімізде құрамға жастарды кіргіздік. Тіпті театр құрамының жартысынан көбі жастар. Алла бұйыртса, тағы да жастар келеді. Қарақан басымдағы оймен бөлісейін, қазіргі жастар КВН-ге көбірек барады. Кезінде модаға балап, біз де ол жолдан өттік. Бірақ солай бола тұра, қазақтың майы тамған, мәйекті, орайлы ойларын айтып жеткізуде қазақ тілі ақсап жатқан сияқты. Ал бірақ қазақ тілді сайт болып ашылған massaget.kz порталының барына шын қуанамын.

- Жастардың әзілді түсіну деңгейі қалай немесе эталон әзіл қазіргі таңда бар ма?

- Жастар ортақ бір «прикол» деген нәрсені шығарды ғой. Әзілі арзан. Теледидарды қарай қалсаң арғы жағында ойы жоқ, жұқа, өте әлсіз дүниелерді айтып жатады. Бірақ оған жастарды кінәлауымыз дұрыс емес. Бұған үлкендер кінәлі болуы керек. Екінші жағынан жастар ден қойғысы келмей жүр. Журналист болсын, жас болсын, «Біз айтуға керекпіз» деп сөйлейді. «Біз айтуға тиіспіз» немесе «Біз айтуымыз керек» делінуі керек қой. Жастардың тілінде тағы да бір сөз бар «Мен ғо-о-о», «тұрқ қо-о-о» дейтін. Ал түсініп көр. Сөйлемдегі бастауыш аяғында тұрады. Мен осыған қарсымын. Асқар Тоқпановтың ақылын мен жастарға айтайын: «Абай жолын» 30 жасыңда бір оқы, 35-те бір оқы, 40-та бір оқы. Жыл сайын демеймін, 5 жыл сайын оқығанның өзінде тіл шеберлігіміз бен тәрбиеміз заңды түрде орнына келеді.

- Жиын-тойда көп боласыз. Театрдағы әзілдер осындай жиындарда айтыла ма?

- «Күлдірші!» деп болмайтындар бар. Мен азамат ретінде, актер ретінде «күлдірші» деген сөзге қарсымын. Ешкім де, ешқашан да күлдіруге ұмтылмауы керек. Себебі айтып жатқан ойыңды дәл жеткізе білсең, халық өзі-ақ түсініп, күлер жерін біліп алады. Ал еш ойсыз күлдіретін адам хайуанаттар бағындағы маймыл болуы керек. Бұл өнер емес.

Әңгімелескен: Ардақ Құлтай

Сурет: Ардақ Құлтай

1390 0
Рейтинг: +0

Дайындаған: Ардақ Құлтай
Қосылған күні: 08 желтоқсан 2012, 19:54
Пікірлер
+0
08 желтоқсан 2012, 12:58

Кәдірбек ағамыздың талантына сөз жоқ, жастарға шынайы түсінікпен қарайтын абзал жандардың бірі. Тек театрда көбіне қорқақтың рөлін ойнайтыны ұнамайды

+0
08 желтоқсан 2012, 13:12

Дұрыс айтқан, мен де осы "Күлдірші" деген сөзге қосылмаймын. күлдіру үшін ой айтатын емес, ой айту үшін күлдіру керек! Бұл ойды арқау етсек, қазіргі КВН, комеди дегендерің хайуанаттар бағының бір түрі болып қала салады...

+0
08 желтоқсан 2012, 13:16

Бүгін "Тамаша" әзіл-оспақ театрына массагеттіктер келе ма? Мен барайын деп едім. Сіздерді де көрейін деп, танысайын... :)

+0
08 желтоқсан 2012, 13:18

біз де...

+0
08 желтоқсан 2012, 13:21

Осы Кәдірбек аға кадр ше! :mrgreen: Бір рет автобуста кетіп бара жатсам өз қызындай ақыл айтып, мен аялдамаға жеткенше менімен әлек болды. :D Бұл кісінің қарапайымдылығына тәнтімін. Біздің ауылдың ақсақалына ұқсайды. Анау видеода да киімін қараш, сондай қарапайым адам... Тамашаға бару жағын енді білмеймін... :roll:

+0
08 желтоқсан 2012, 13:50

«Мен ғо-о-о», «тұрқ қо-о-о» дейтін адамдар көп қой

+0
08 желтоқсан 2012, 14:25

Шыны керек, Кәдірбек ағаны актер ретінде мүлдем қабылдай алмаймын.

+0
08 желтоқсан 2012, 18:14

О, бәрекелді. Бізге ақсақалдарымыз да ақ батасын беріп жатыр екен. міне, қандай тамаша. Ардақтың сыр-сұхбаттары тамаша-ақ. Мұндай кісілерге түсіріп ала қояйын деудің өзіне әжептәуір ептілік керек.

+0
09 желтоқсан 2012, 00:43

Кәдіріңізді білеміз ғой Кәдірбек ата! Біз енді бері заманда туылып сіздермен "жағаласқан" басқа да театрларға мойын бұрып жүрміз ғой. Бірақ менің ауылдағы атам мен әжем сіздер десе (Тұңғышбай аға, марқұм Құдайберген ағалар) ішкен асын жерге қояды. Олар үшін барлық әзіл-оспақ театрлары "Тамаша". Біреу күлдіріп жатса болды әжем "ооо, Тамаша боп жатыр" деп атамды жетектеп әкеп отырғызып қояды. Сосын сіздер қашан шығар екен деп күтеді. Байқадым, олар күлгенге біз күлмейміз, біз күлгенге олар күлмейді. Сол үшін де сіздерді бағалаймын. Атам мен әжемді жақсы көргенімдей жақсы көрем ;) Ғұмырлы болсын, "Тамаша"!

+0
09 желтоқсан 2012, 13:05

Нағыз дарынды адам. Ардақ сұхбатына рахмет!

+0
10 желтоқсан 2012, 09:05

Тамаша бұрынғыдай болмай қалды ғой...

+0
02 наурыз 2013, 21:56

осы кісілер нағыз актерлар ғой. енді бұндай кісілер 100 жылда 1 туылатын шығар

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Күңк-күңк күбір...
Күңк-күңк күбір...

Шу-шу десек Ду-ду өсек

Аралас экономиканың қазақстандық  моделі
Аралас экономиканың қазақстандық моделі

Аралас экономика әр түрлі меншік нысандарына, олардың өзара қарым-қатынасы мен...

Қарымта қайтаратын сәт келді деді ме екен...
Қарымта қайтаратын сәт келді деді ме екен...

«Үрбибімізді» «Дерзкая» десе, Бек Нұрдың «Мені ұмыт» әнін «Предала» деп...


Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...