Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Арнайы жобалар / Бізге 1 жыл! / Е. Ибраимов: "Жастардың бірлігі жетістік әкеледі"

Е. Ибраимов: "Жастардың бірлігі жетістік әкеледі"

Е. Ибраимов:

Massaget.kz порталының 1 жылдығына орай өнерімен, қайраткерлігімен, спортта жеткен жетістігімен елге танымал адамдардан алынатын сұхбаттар легін бастаймыз. Бірінші кезекте Ермахан Ибраимов жастарға деген ықыласымен бөлісіп, спорт жайында толғанбақ. Бұдан басқа, Олимпиада чемпионы Мassaget.kz порталын 1 жылдығымен құттықтайды.

- Қазақстанның Олимпиададағы жетістігі әлемді таңғалдырды. Бұл жетістіктің хронологиясын айтып өтсеңіз. Біз бұл мақтанатын жағдайға қалай жеттік?

- Негізі Қазақстан егеменді ел болғалы бері 5 Олимпиадада бокстан 6 алтын медаль алған екен. Бес күміс, алты қоланы қосыңыз. Біздегі бірде-бір спорттың түрі мұндай мақтанышпен айта алмайды. Бірақ бұл басқа спорт түрін төмендеткенім емес, Ольга Шишигина, Илья Ильин, Александр Винокуровтардың жетістігі еліміздің жетістігі деп ойлаймын. Ал кейде бізді өзбек, қырғыз боксшыларымен салыстырып жатады. Керек десеңіз, біздің бокс Ресей боксынан да мықты. Жетістіктің барлығы да үлкен еңбекпен келді. Қазақстанның, мәселен мен сізден сұрасам, Мақат, Бейнеу деген жерлерін білесіз бе? Білмейсіз. Еліміздің түкпір-түкпірінен бокс мектептерін тауып алып, солармен жақсылап жұмыс жасадық. Бокстың насихатын ауыл-аймаққа жүргіздік. Олимпиадада біздің бокстағы жастарымыздың ауызбіршілігі арқасында осындай атаққа ие болып отырмыз.

- Қазақстан боксшыларының ішінде кімді ерекше айтасыз? Қазіргі уақытта?

- Айтайын, қазір Серік Сәпиев Қазақстанның ең жоғары дәрежедегі боксшысы. Ол бұрынырақта әлем чемпионы, ал қазір Олимпиада чемпионы атанып, екі бірдей шыңды бағындырып отыр. Бізде ондай боксшы бұрын болмаған. Баркер кубогын алғанын тағы айтайық. Серік жас қой, сонда да халық оған риза. Тіпті де «Мен үлкен спортпен қоштасамын» деп ел алдында айтса да, ешкім оған ренжімейді. Оның стилі мен өзін-өзі ұстауы кәсіби боксқа келмейтін сияқты. Оның мәнері Серік Қонақбаевтың боксына ұқсайды, яғни классикалық бокс деп атасақ жараспайды емес. Біржан Жақыповты айтайық, ол жеңілген жоқ, бірақ жеңген де жоқ қой. Біз осыны ұғуымыз керек. Өзімізге сыни көзбен қарағанымыз жөн. Жігіттер Олимпиадаға барар тұста мен былай дедім: «Жігіттер, сендерге ешкім алтынды оңайлықпен бере қоймас, берсе қолынан, бермесе жолынан алыңдар!». Серік інім сол сөзден кейін оттай жанғанын айтып, рақметін айтты.

- Төрешілердің әділдігіне баға берсеңіз...

- Төрешілер барынша әділ болуға тырысты. Бірақ бокста саясат бар секілді. Осылай ғана жауап беремін. Ал жалпы өз ойым спорт әрқашан тек - спорт болып қалғаны дұрыс. Мұнда ешқандай да саясат болмауы тиіс.

- Үш Олимпиада жылдарында командалық есепте Куба, Ресей, Қазақстанға жететін команда болмаған. Ал Қытайда өткен Олимпиадада қытайлықтардың мерейі үстем болып, өз кезегінде Ұлыбританияда өткен Олимпиадада британдық спортшылар басымдылық танытты. Бұл қалай?

- Қытай Мерей Ақшалов, Серік Сәпиев секілді жігіттерімізді жылатып жіберді десек те болады. Амалымыз жоқ еді. Оған келісемін. Бірақ Ұлыбританияда үстемдікті Украина командасы тартып алды. Куба, Ресей, Қазақстан көшбасшылығын қайта орнына келтіріп жатқанын айтып өтейін. Куба боксшылары Олимпиадада жеңе алмағаны үшін қудалауға ұшырап, олардың орнына жастар келуі себепті медаль ала алмады. Ал келесі жарыстарға олар азуын қайрап отырғанына сенімдімін.

- Қазақстан біріншілігінде боксшылар дулығасыз шықпақ. Бұл туралы не айтасыз?

- Бокстың әдемілігі жоғалып барады. Ал ашық ұрыс азайып барады. Ұстасып қалып, бір-бірін түртіп қана тұратын боксшыларымыз көп демесек те, олар бар. Сол себепті қызу талас ұйымдастыру үшін дулыға кимей жұдырықтасуды қолдаймын. Боксқа деген көрермен қызығушылығын ояту мақсаты шығар...

Чемпион қонақкәде ретінде "Егемен елдің ерлері" атты кітапты Massaget.kz сайтына сыйлады

- Ал ұпай санау жүйесі де біршама өзгерді. Атап өтер болсақ, бұрын кімнің қай соққысы ұпайға жатқызылғанын, ал қай соққысы саналмай қалғанын ашық көруші едік. Ал қазір ұпай көрсетілмейді. Көрермен рингте не болып жатқанынан хабарсыз қалғандай...

- Негізінде кәсіпқой боксқа төрешілік ететін жүйені қабылдауымыз әбден үмкін. Бұл әңгіме төрешілер жиналысында қозғалып та жүр.

- Кәсіпқой бокс жүйесінің пайдасы бар ма?

- Пайдасы бар. Одан кейін боксшының соңғы раундтағы қимыл ширақтығы да ескерілетін болады. Мұның пайдасы төрешілікті барынша әділ ету. Боксшының мықтылығын байқайтын жүйе деп осыны айта алар едім.

Сұхбаттасқан: Ардақ Құлтай

Сурет: Уалихан Қосанбай

1764 0
Рейтинг: +0

Дайындаған: Ардақ Құлтай
Қосылған күні: 06 желтоқсан 2012, 15:52
Пікірлер
+0
06 желтоқсан 2012, 15:38

"Егемен елдің ерлері" атты кітапта 20 жаңқты ер кісінің сөздері бар. Ең бірінші бетте Нұрсұлтан Назарбаев болса, ең соңғы, 20-шы адам - Ермахан Ибраимов екен! Сұхбат барысында керемет әсер алдым.

+0
06 желтоқсан 2012, 15:38

Ашық жарқын мінез иесі екендігі көрініп тұр! Осы кісіге разымын! Тіпті сөйлегендегі қимылдараның өзі бокстасып жатқан сияқты көрінеді. ;)

+0
06 желтоқсан 2012, 15:40

Мәссаған! Ермахан Ибраимов! Бала кезімде Сиднейде жеңген кезде жылап жібергенмін. Бұл кісі меніңше тарихта қалуы керек! Ардақты азаматтарымыз көп болсын! Сұхбат күшті шығыпты! Видео да! :D

+0
06 желтоқсан 2012, 15:40

тамаша кездесу, тамаша сұхбат өткен екен. құтты болсын Массагеттің тұсаукесері!

+0
06 желтоқсан 2012, 15:46

Пах,шіркін! Арысым-ай! Батыр ғой ол! Батырдың болмысы сөйлеген сөздерінен, қимыл-қозғалыстарынан анық байқалып тұр. Аузын ашса, жүрегі көрінетін аңқылдаған хас батырым!

+0
06 желтоқсан 2012, 15:52

ерекше құттықтау болыпты! тұсаукесер тағы да құтты болсын!

+0
06 желтоқсан 2012, 16:17

Ардақ Құлтай жарайсың! осындай сұқбаттарың көп болсын

+0
06 желтоқсан 2012, 17:50

Керемет сұхбат екен!

+0
06 желтоқсан 2012, 20:08

Рақмет, Ермахан аға!

+0
06 желтоқсан 2012, 22:55

Қазақтың бағына біткен арыс ұлы!

+0
07 желтоқсан 2012, 02:26

Ордабұзар отызға аяқ баспастан үлкен спортпен хоштасатын қазақтың чемпион боксшыларына өкпе көп. Мәселен Ермахан ағамыздан таяқ жеген Джермейн Тейлор WBC, WBA, WBO нұсқалары бойынша әлем чемпионы атанды, қолғабын әлі ілген жоқ. Болаттың (Жұмаділов) жұдырығын жеген армян Вик Дарчинян IBF нұсқасы бойынша 2004-2007 жылдардағы абсолютті әлем чемпионы, 2008 жылдан бері WBA және WBC әлем чемпионы. Бақтияр бар болғаны 25 жасында, Серік 29 жасында спорттан кетті . Қолдары қоғам қалаған жүлдеге жетісімен спорттан бірден кетеді, шелектеп тер төкпейтін әкім-депутат, бастық-мастық болған әрине жақсы бірақ шын жанкүйер қауымға ұлты үшін ұятты.

+0
07 желтоқсан 2012, 08:59

Сұхбат жақсы. Былғары қолғапты серік еткен ағатайымыз әдетте аса көп қозғалмайтын біраз дүниені айтыпты. Тамаша!

+0
07 желтоқсан 2012, 11:08

бала кезімнен маған батыр болған ағамыздың жылы лебізі қуантады)

+0
08 желтоқсан 2012, 13:36

Мә, мен мына сұхбатты неге көрмей қалдым?! Ермахан аға керемет кісі екен. Риза болдым, қолды сілтеуін қарасаш :)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Күңк-күңк күбір...
Күңк-күңк күбір...

Шу-шу десек Ду-ду өсек

Аралас экономиканың қазақстандық  моделі
Аралас экономиканың қазақстандық моделі

Аралас экономика әр түрлі меншік нысандарына, олардың өзара қарым-қатынасы мен...

Қарымта қайтаратын сәт келді деді ме екен...
Қарымта қайтаратын сәт келді деді ме екен...

«Үрбибімізді» «Дерзкая» десе, Бек Нұрдың «Мені ұмыт» әнін «Предала» деп...


Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...